Ibyo wamenya kuri Shampiyona y'u Bufaransa "League 1" n'ibyo kwitega mu 2024-25

League 1 ni shampiyona y'icyiciro cya mbere mu Bufaransa, gusa ntabwo ikunzwe cyane nka English Premier League na Laliga. Impamvu ni uko amakipe yo mu Bufaransa atajya agera kure hashoboka mu marushanwa y'iburayi.

Mu 1932 ni bwo shampiyona y'icyiciro cya mbere mu Bufaransa yatangiye gukinwa. Bwa mbere ikipe yegukanye igikombe ni Olympic Lillois.

Mu 1940 kugera mu 1945, Shampiyona y'u Bufaransa yakomwe mu nkokora n'intambara ya kabiri y'isi, bituma idakinwa. Nyuma y'intambara ya kabiri y'isi, Lille na Reims mu Bufaransa. nizo zatangiye kwiharira ibikombe byo mu Bufaransa kugeza mu 1950.

Kuva mu 1950 kugera mu 1970, Reims niyo yari yarihariye shampiyona yo mu Bufaransa muri iyo myaka, aho ibikombe byinshi byakinwe ariyo yabitwaye. Yanatwaye European Cup isigaye yitwa UEFA Champions League. 

Muri iyo myaka, Reims yakunze kugorwa na Saint-Etienne yatwayemo ibikombe bitatu byo mu 1957, 1960 na 1970.

Kuva muri iyo myaka ya za 1970, Saint-Etienne yagumye kugaragara ku ruhando mpuzamahanga, uretse ko Raims yari itangiye kuzima, gusa Olympic Marseille niyo yari igezweho mu guhanganira ibikombe na Saint-Etienne. 

Guhera muri za 1980, na Saint-Etienne yatangiye kuba ikipe iciriritse, maze Olympic Marseille zari zihanganye, itangira kujya ihangana na Bordeaux. 1989 kugera 1992, aha Olympic Marseille yeretse igihandure Bordeaux, aho yatwaye ibikombe bine bya Shampiyona yikurikiranya. 

Mu 1993 Olympic Marseille yatwaye UEFA Wemens Champions League, gusa yahise ihanishwa kumanuka mu kiciro cya kabiri, izira kuba hari imwe mu mikino yayo yagiye igurisha.

Ubwo Olympic Marseille yari ikimanuka mu Kiciro cya kabiri, Paris Saint-Germain yahise yikubitamo, itangira guhanganira na Olympic Lyonnais ibikombe.

Guhera Muri 2002 kugera 2008, inzozi za Paris Saint-Germain zo gutwara ibikombe zakomwe mu nkokora na Olympic Lyonnais, kuko yatwaye iki gikombe inshuro zirindwi zikurikiranya.

Mu 2010 Paris Saint-Germain yabonye umukire mushya ukomoka muri Quatar, atangira kuyigira ikipe ihatana. Kuva muri 2010, Paris Saint-Germain yatangiye kwiharira League 1, ari nako yagumaga kugura abakinnyi bakomeye bo kuyifasha gutwara ibikombe. 

Muri iyo myaka yaguze abarimo Zlatan Ibrahimovic, Neymar Junior, Edison Canani, Kylian Mbappe ndetse n'abandi.

 Kuva muri 2010 kugera 2024, Paris Saint-Germain yatakaje ibikombe bibiri gusa, aho yatakaje icya 2017 cyatwawe na AS Monaco, na 2021 cyatwawe na Lille.

Ibyo kwitega muri League 1 ya 2024-25 

Si byinshi biba ari ibyo kwitega mu Bufaransa, kuko usanga ahanini Paris Saint-Germain ariyo yihariye iyi Shampiyona, gusa birashoboka ko iyi shampiyona itazarebwa na benshi kuko nta bakinnyi bakunzwe cyane bakibarizwa mu Bufaransa.

Nyuma y'uko Kylian Mbappe yasoje amasezerano akajya muri Real Madrid, umwaka w'imikino wa 2024-25 birashoboka ko abafana bitabiraga imikino yo mu Bufaransa bazagabanyuka.

Bamwe mu bakinnyi Paris Saint-Germain isigaye icungiyeho harimo Osmane Dembele, Randal Lolo Munani, Marco Asensio, Goncalo Ramos, Joao Neves Pedro Goncalves, Warren Zaire Emery, Fabian Luiz, Manuel Ugarte na Nuno Mendez.

Kuba Paris Saint-Germain idafite umukinnyi wo gukora itandukaniro nka Kylian Mbappe, bishobora kuzaha umwanya wo kwigaragaza ku makipe yitwaye neza ku isoko ry'igura n'igurisha.

Olympic Marseille ni imwe mu makipe yaguze neza muri iyi mpeshyi, aho yaguze abakinnyi nka Mason Greenwood yakuye muri Manchester United, Elye Wahi yakuye muri Lens, Ismaël Koné yakuye muri Watford na Pierre-Emile Hodjuberg yakuye muri Tottenham Hotspurs.

Shampiyona y'u Bufaransa 2024-25, ntabwo izagaragaramo Mbappe wagiye muri Real Madrid 

Paris Saint-Germain niyo ihabwa amahirwe yo kuzegukana igikombe cya Shampiyona ya 2024-25 

Olympic Marseille iri mu makipe yitezweho gutanga akazi imbere ya Paris Saint-Germain 

League 1 irabura iminsi ibiri gusa ngo igaruka