Travis Scott umwe mu baraperi bakomeye muri Amerika, witabiriye imikono ya ‘Paris Olympic Games 2024’ yisanze mu maboko ya Polisi i Paris nyuma yo kurwana n’ushinzwe umutekano we.
Ibi byatangajwe n'ikinyamakuru 'Valeurs Actuelles' gikorera mu gihugu cy'u Bufaransa, cyavuze ko uyu muraperi yatawe muri yombi mu gitondo cyo kuri uyu wa Gatanu ahagana saa 5:00 kuri Hotel bari bacumbitsemo.
Ubwo imirwano yari irimbanije, Polisi yaje gutabara irayihosha bahita bata muri yombi uyu muraperi. Ubwo yagezwaga kuri sitasiyo ya polisi yaje gupimwa basanga yari yasinze nk'uko polisi yabitangaje, icyakora ntiharatangazwa intandaro y'iyi mirwano.
Mu kwezi gushize kandi Travis Scott wakunzwe mu ndirimbo nka ‘Sicko Mode’, ‘Out West’ n’izindi, yarwanye mu gitaramo yakoreye i Los Angeles gusa ntiyigera atabwa muri yombi.
Kugeza ubu Travis Scott ari kubarizwa mu gihugu cy'u Bufaransa aho yagiye yitabiriye imikino Olempike 2024, iri kubera i Paris.
Eng
RSS 
TANGA IGITECYEREZO