Liverpool yatangaje umutoza mushya

Iyi kipe ikina shampiyona y'icyiciro cya mbere mu Bwongereza yatangaje uyu mutoza wasinye amasezerano azamugeza muri 2027 kuri uyu wa Mbere ibinyujije ku mbuga nkoranyambaga zayo.

Liverpool yatangaje Arne Slot nyuma y'igihe bimenyekanye ndetse no ku Cyumweru ubwo Jurgen Klopp yasezeraga ku bafana b'iyi kipe akaba yari yaririmbye izina rye.

Uyu mutoza w'Umuhorandi wabayeho umukinnyi yatozaga ikipe ya Feyenoord yo mu gihugu cy'iwabo akaba yari yarayigezemo muri 2020. 

Mu myaka 3 yayifashije kugera muri 1/8 cy’imikino ya UEFA Conference League nyuma yo kumara imyaka 20 batazi uko bisa kugera muri iki cyiciro mu mikino yo ku mugabane w’i Burayi, ayifasha kugeza muri 1/4 cya UEFA Champions League ndetse yanaherukaga gutwarana nayo igikombe cy'igihugu itsinze NEC ku mukino wa nyuma.

Arne Slot w'imyaka 45 yanatoje andi makipe y'iwabo mu Buhorandi arimo SC Cambuur na AZ Alkmaar. Uyu mugabo asimbuye Jurgen Klopp wari umaze imyaka 9 muri Liverpool akaba yaratwaranye nayo ibikombe 9 birimo 1 cya shampiyona y'u Bwongereza na 1 cya UEFA Champions League.

Arne Slot yatangajwe nk'umutoza mushya wa Liverpool