Amwe mu makuru agezweho mu Budage, ni uko abakinnyi bakomeye ba Bayern Munich barangajwe imbere na Harry Kane batifuza ko Bayern Munich yatandukana na Thomas Tuchel.
Ikinyamakuru Independent cyanditse ko Kapiteni wa Manchester United Bruno Fernandez ashobora kwerekeza muri FC Bayern Munich yo mu Budage mu mpeshyi.
Iki kinyamakuru gikomeza kivuga ko Bayern Munich, ikunda imikinire y'uyu munya Portugal w'imyaka 29 y'amavuko ukina mu kibuga hagati.
BBC sports na One Football, zanyomoje inkuru ya independent zivuga ko umutoza wa Manchester United Eric Ten Hag, yitangarije ubwe ko Manchester United nta gahunda yo gutakaza Bruno Fernandez ifite bityo amakipe amwifuza nka Bayern Munich na Inter Milan agakurayo amaso.
Ikinyamakuru Abendzeitung cyo mu Budage gifite inkuru ivuga ko abakinnyi ba Bayern Munich barangajwe imbere na Rutahizamu Harry Kane bari Gusaba umutoza Thomas Tuchel ko yakumvikana na Bayern Munich akaguma kuyitoza.
Bayern Munich, iri gukora uko ishoboye kugira ngo ibone umutoza uzasimbura Thomas Tuchel, biteganyijwe ko azatandukana nayo uyu mwaka w'imikino usojwe.
Daily Mail yavuze ko Manchester United yiteguye gutanga angana na Miliyoni 55£, kugira ngo yegukane myugariro wa Everton w'imyaka 21 y'amavuko Jarrad Branthwaite.
The Sun yanditse ko Myugariro wa Manchester United ukomoka muri Repubulika Iharanira Demokarasi ya Congo Aaron Wan-Bissaka, izamushyira ku isoko mu mpeshyi ubwo isoko ry'igura n'igurisha Rizaba ririmbanyije.
Bild yandikira mu Budage yatangaje ko amakipe akomeye i Burayi nka Manchester United, Manchester City, Real Madrid na Arsenal, zikomeje kwifuza myugariro wa Bayer Leverkusen, Jeremie Frimpong ukomoka mu Buhorandi.
Amakuru ava mu kinyamakuru Caughtoffside avuga ko Manchester City na Arsenal, zatangiye kwegera bucece Umunya Brazil ukinira Newcastle United Bruno Guimaraes.
Football Insider yanditse ko Chelsea yiteguye gutanga Miliyoni 35£ kuri Rutahizamu wayo ukomoka mu Bubiligi akaba ari intizanyo muri AS Roma, Romelu Lukaku.
Telegraph yavuze ko umutoza wa Brentford Thomas Frank, ari undi Mukandida wifuza gusimbura Eric Ten Hag mu gihe yaba yirukanwe muri Manchester United.
Sports yo mu Butaliyani na Football Italian, zavuze ko AC Milan na Napoli, ziri kurwanira umutoza ukomoka aho mu Butaliyani watoje amakipe yo mu Bwongereza nka Chelsea na Tottenham, uwo ni Antonio Conte.
Fabrizio Romano yagarutse kuri AC Milan, avuga ko yifuza myugariro wa Tottenham Hotspur ukomoka muri Brazil, Emerson Royal.
Talksprts yavuze ko mu mpeshyi, Manchester United yiteguye guterana imitwe na Tottenham Hotspur kuri myugariro wa Fulham ukomoka mu Bwongereza, Tosin Adarabioyo.
The Mirror yavuze ko Liverpool yiteguye kugura umukinnyi wa Nice ukina mu kibuga hagati, Khephren Thuram.
Amakuru akomeje kuvuga ko Bruno Fernandez azatandukana na Manchester United, andi agashimangira ko azayigumamo
Abakinnyi ba bayern Munich barangajwe imbere na Harry Kane bifuza ko Thomas Tuchel yaguma gutoza iyi kipe
Napoli na Milan AC,zikomeje kwifuza umutoza Antonio Conte
Eng
RSS 
TANGA IGITECYEREZO