Minessota Timberwolves yazamutse muri NBA Regular Season ari ikipe nziza, ikomeje kubigaragaza muri Playoffs, aho imaze gutsinda imikino ibiri imaze gukina na Phoenix Suns.
Minessota Timberwolves, yari yakiriye Phoenix Suns ku mukino wa Kabiri wa NBA Playoffs, ni umukino wabereye kuri Target Center.
Umukino wa mbere, nabwo Minessota Timberwolves yari yatsinze Phoenix Suns, aho bikomeje gushira mu kaga Phoenix Suns kuko ishobora kutazatenga kimwe cya kabiri.
Mu mukino wa none, Minnesota Timberwolves yatsinze amanota 105 kuri 93 ya Phoenix Suns. Mu gihe Minessota Timberwolves yatsinda indi mikino ibiri izakurikira, yahita igera muri kimwe cya kabiri, kubera ko Phoenix Suns nubwo yagira ubushobozi bwo gutsinda imikino ibiri yaba isigaye, yagira intsinzi ebyiri kuri enye za Minessota.
Mu wundi mukino wabaye, ukabera kuri Fiserv Forum, Indiana Pacers yiziritse kuri Milwaukee Bucks iyitsinda amanota 125 ku 108.
Intsinzi ya Indiana Pacers yatumye amakipe yombi anganya umukino umwe kuri umwe amaze gutsinda, ibintu biri guca amarenga ko bizagorana kumenya ikipe izajya muri kimwe cya kabiri hagati ya Milwaukee Bucks na Indiana Pacers.
Dallas Mavericks yagiye kuri Crypto.com Arena, itsindirayo Los Angeles Clippers amanota 96 kuri 93.
Los Angeles Clippers na Dallas Mavericks, nazo ziranganya intsinzi imwe kuri imwe, nazo zishobora kuzagorana kumenya ikipe izagera muri kimwe cya kabiri.
Minessota Timberwolves yatsinze Phoenix Suns, yuzuza intsinzi ebyiri ku busa bwa Phoenix Suns
Eng
RSS 
TANGA IGITECYEREZO