APR BBC mu bagabo n'abagore begukanye ibikombe by'irushanwa ryo kwibuka Jenoside yakorewe Abatutsi

Ni imikino yatangiye gukinwa kuwa Gatanu taliki 19 Mata mu nyubako y'imikino n'imyidagaduro ya BK Arena. Ku ikubitiro ikipe ya APR WBC yahise ikatisha itike y'umukino wa nyuma nyuma yo gutsinda Kepler BBC amanota 46-40.

Indi kipe yahise ikatisha itike y'umukino wa nyuma mu bagore ni REG BBC itsinze GS Marie Reine Rwaza amanota 76-60.

Mu bagore abatsinze bagakatisha itike ya nyuma ni APR BBC isezereye REG ku manota 96-66 na Patriots BBC ikuyemo Tigers BBC ku manota 64-59.

Kuwa Gatandatu ni bwo hagombaga gukinwa imikino yo gushaka umwanya wa 3 ndetse no gushaka igikombe.

Mu bagore Kepler BBC niyo yegukanye umwanya wa 3 itsinze GS Marie Reine Rwaza amanota 76-74 naho mu bagabo wegukanwa na REG BBC itsinze Tigers BBC amanota 94-92.

Saa kumi n'ebyiri mu bagore ni bwo hahise hakinwa umukino wa nyuma birangira ikipe ya APR BBC isigaye ishobora REG BBC muri iki gihe iyifashe iyitsinda amanota 85-81 iba yegukanye igikombe gutyo.

Mu bagabo umukino wa nyuma wakinwe saa mbili naho igikombe cyegukanwa n'ikipe y'Ingabo z'igihugu itsinze Patriots BBC amanota 80-63.

Iri rushanwa ryo kwibuka abakinnyi, abatoza n'abahoze ari abakunzi ba Basketball bishwe muri Jenoside yakorewe Abatutsi, ryaherukaga kuba mu 2019.

Ikipe ya APR BBC yegukanye igikombe cy'irushanwa ryo kwibuka Jenoside yakorewe Abatutsi 

APR BBC n'ubundi niyo yegukanye iri rushanwa no mu bagore