Ikipe ya Arsenal yatsinze bigoranye Wolverhampton Wanderers mu mikino yo ku munsi wa 14 wa shampiyona y'ikiciro cyambere mu Bwongereza,ikomeza kuyobora urutonde rwa shampiyona.
Uyu ni umukino wabaye kuri uyu Wagatandatu saa kumi nimwe ku kibuga cya Arsenal, Emirates Stadium.
Uko umukino wagenze muri make
Ikipe ya Arsenal yatangiye umukino ikina neza ihererekanya ndetse yanaciriye umurongo ntarengwa Wolves maze ku munota wa 7 gusa Bukayo Saka aterekamo igitego cya 1 ku mupira yarahawe na Tomiyasu.
Nyuma yo gutsinda igitego ntabwo ikipe y'abarashi yigeze ihagarika gusatira kuko ku munota wa 14 Kapiteni, Martin Odegaard yatsinze igitego cya 2 ahawe umupira na myugariro Oleksandr Zincheko.
Ba myugariro ba Wolves barimo Craig Dawson na Toti Gomes bakomeje gukina bakora amakosa bigatuma abakinnyi ba Arsenal babona uburyo buremereye imbere y'izamu bwashoboraga no kuvamo ibitego ariko baza kugira n'ibyago umunyezamu wabo ,Jose Sa ku munota wa 23 ava mu kibuga agize ikibazo cy'imvune asimburwa na Daniel Bentley.
Mu minota 31 ikipe ya Wolves nayo yatangiye gusatira ndetse inabona kufura nziza ku ikosa Martin Odegaard yarakoreye Matheus Cunha ariko itewe na Hugo Bueno ntihagira ikivamo.
Igice cya mbere kigiye kurangira ikipe ya Wolves yongeye kurata igitego cyabazwe ku makosa yarakozwe na bya myugariro ba Arsenal ariko uwitwa Hee Chan agenda gake umunyezamu David Raya ahita amutanga umupira.
Mu gice cya kabiri Arenal yaje yongera gusatira binyuze ku bakinnyi nka Bukayo Saka na Tomiyasu bashaka igitego cya 3.
Ku munota wa 64 uwitwa Declan Rice yahawe umupira na Martin Odegaard maze arekura ishoti riremeye ryashoboraga kuvamo igitego ariko riragenda rinyura impande y'izamu gato cyane.
Ku munota wa 83 Wolves yarifunguye amazamu aho Hee Chan yarafite umupira mu rubuga rw'mahina arekura ishoti ariko umunyezamu wa Arsenal,David Raya aratabara arikuramo.
Nyuma y'iminota 2 gusa iyi kipe yahise ikibona ku makosa myugariro Zincheko yarakoze yihera umupira Nelson Semedo nawe awushyira kwa Matheus Cunha arekura ishoti riragenda rinyeganyiza inshundura.
Umukino ugiye kurangira Wolves yasatiriye cyane ariko Abasore ba Arsenal bihagararaho birangira bacyuye amanota 3 ku bitego 2-1.
Kuri ubu ikipe ya Arsenal ikomeje kuyobora urutonde n'amanota 33 naho Wolves yo ni iya 13 n'amanota 15.
Uburyo Bukayo Saka yatsinzemo igitego cya 1
Eng
RSS 
TANGA IGITECYEREZO