Courtney Tillia yihandaje atangaza ko nta kindi Imana yamuremeye kitari imibonano mpuzabitsina

Courtney yinjiye mu ruganda rwo gukina filime z’urukozasoni mu myaka 7 ishize nyuma yo kubara agasanga iby’ubwarimukazi atari byo azagumamo. Kuri ubu ngo asanga ari bwo yarushijeho kwegerana n’Imana.

Uyu mugore w’imyaka 35 n’abana 4 aganira na Daily Star yagize ati: ”Mbere yuko ndeka kwigisha, numvaga ndi kure yanjye no kure y’Imana. Sinari nzi impamvu nyayo y’ubuzima bwanjye n'uko nshobora kuba nafasha abandi.”

Akomeza agira ati: ”Ubwo natangiraga kwiyegeranya ni na ko narushagaho kumva negerana n’Imana mu buryo bunyuranye n'ibyo ngishijwe mu rusengero. Numvise umuhamagaro wo gufasha abandi bagore kwisobanukirwa bakareka guterwa isoni n'abo bari bo.”

Ibi bikaba ari uko na we ubwe mbere yumvaga atewe isoni n'uwo ari we no kuba yavamo icyamamare mu birebana n’ubucuruzi bw’urukozasoni kubera amahame adashinga benshi bagenderaho baba baratojwe mu nsengero.

Ati: ”Iyo nabonaga abahisemo kwinjira mu gukina filime z’urukozasoni numvaga barayobye ndetse nta ndangagaciro bafite. Ariko kuri ubu mba numva nibaza igihe nataye kuko sinumva Imana imbwira ko nayobye.”

Yongeraho ati:”Kuri ubu ninjye muntu wegeranye n’Imana kurusha ikindi gihe kandi nyizera kurusha mbere. Sinkikeneye uwo ari wese wo kumpuza nayo no kunsobanurira uko nkwiye guhura nayo.”

Courtney Tillia binyuze mu nzira nshya yahisemo, yinjiza ari hagati ya miliyoni 20Frw na miliyoni 100Frw buri kwezi.

Yahoze ari mwarimukazi aza kwinjira mu mwuga utavugwaho rumwe ku isiAvuga ko kuva yakwinjira mu gukina filimi z'urukozasoni asanga aribwo yarushijeho kwegerana n'ImanaAsigaye yinjiza za miliyoni buri mwaka binyuze mu mashusho n'amafoto y'urukozasoni agurisha