RFL
Kigali

Amakipe yikuye mu gikombe cy'Amahoro ashobora guhanwa na FERWAFA

Yanditswe na: Ngabo Mihigo Frank
Taliki:23/02/2023 17:20
1


Umunyamabanga w'ishyirahamwe ry'umupira w'amaguru mu Rwanda, Muhire Henry yavuze ko amakipe yikuye mu gikombe cy'Amahoro nta mpamvu ifatika, ashobora kuzahabwa ibihano.



Mu kiganiro 'Urubuga rw'Imikino' cya Radio Rwanda cyatambutse kuri uyu wa Kane tariki 23 Gashyantare 2023, Bwana Muhire Henry yavuze ko amakipe yikuye mu gikombe cy'Amahoro nta mpamvu, avuga ko FERWAFA ishobora kuzayafatira ibihano.

Ubwo FERWAFA yatangizaga igikombe cy'Amahoro, amakipe amwe yari yahisemo kutiyandikisha yo yigumiye mu mikino ya Shampiyona, ariko n'ayatangiye igikombe cy'Amahoro yose ntiyagumyemo yose kubera impamvu zitandukanye.

Ku ikubitiro, Gasogi United yasezeye ivuga ko nk'ikipe ikomeye, itakabaye itangirira imikino y'igikombe cy'Amahoro mu ijonjora rya mbere, irikubita iragenda.

Mu ijonjora rya mbere, Gicumbi FC yabuze ku kibuga ivuga ko idashobora kwitabira umukino wagombaga kuyihuza na La Jeunesse mu gihe amasaha 48 yari atarashira ikinnye muri Shampiyona y'icyiciro cya kabiri, yo yatewe mpaga itaha ityo.

Nyuma y'aho, amakipe ya Espoir FC na Etoile de L'est nayo yikuye mu gikombe cy'Amahoro bitunguranye, bituma Esperence FC na Marine FC zikomereza bitabasabye kuvunika mu mikino ibiri.

Kuri ubu amakipe 10 yamaze kubona itike y'ijonjora rya kabiri, aho azatombora uko azahura hongewemo ayo mu cyiciro cya mbere. Tombola iteganijwe kuwa Gatanu, tariki 24 Gashyantare.

Ku kuba Gicumbi FC yarikuye mu irushanwa kubera ikinyuranyo cy'amasaha y'imikino ibiri, Muhire Henry yavuze ko amategeko agena ko ikipe itakina imikino ibiri yo mu irushanwa rimwe mu gihe hatarashira amasaha 48, ariko iyo ari amarushanwa atandukanye, iba ishobora gukina.

Yagize ati "Amasaha 48 tuvuga ni ayo mu irushanwa rimwe, niyo mpamvu ntawe dukinisha Primus National League ku Cyumweru ngo yongere kuwa Kabiri ariko iyo tuvuye mu irushanwa tukajya mu rindi, ibintu birahinduka." 

Muhire yemeje ko FERWAFA izafatira ibihano amakipe yikuye mu gikombe cy'Amahoro kandi yari yandikishije. Kimwe mu bihano bishobora gutangwa ni ukutemerwa kwiyandikisha mu gikombe cy'Amahoro mu mwaka wa 2024.

Muhire Henry, umunyamabanga wa FERWAFA






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Emanuel imuhanga1 year ago
    Ibyo muvuga byo nukuri bahanwe





Inyarwanda BACKGROUND