Umuraperikazi Da Brat agiye kubyarana n'umugore mugenzi we-AMAFOTO

Shawntae Harris ni umuraperikazi akaba n'umunyamakuru wamamaye ku izina rya Da Brat mu muziki. Ni umwe kandi mubaraperikazi bakunzwe muri Leta Zunze Ubumwe z’Amerika akaba afatwa nk'umwe waciriye inzira abandi baraperikazi bo muri iki kinyacumi.

Da Brat yatangiye kumenyekana mu 1992 no kugeza ubu aracyari umwe mu bakigaragaza ubuhanga mu jyana ya Rap/Hip Hop.

Uretse kuba Da Brat yaramamaye mu muziki, yanagiye akunda kugarukwaho cyane kuva yatangaza ko akunda abakobwa bagenzi be ndetse akanerekana umukobwa yihebeye witwa Jesseca Jude Dupart.

Aba bombi batangiye gukundana kuva mu 2020 baza kurushinga muri Gashyantare 2022.

Kuri ubu Da Brat w'imyaka 48 yatangaje ko we n'umugore we Jude Dupart bagiye kwibaruka imfura yabo. Ibi yabitangarije ikinyamakuru People Magazine cyanasohoye amafoto yabo aberekana mu byishimo by'uko bagiye kwagura umuryango wabo.

Ibi nibyo byatumye Da Brat afata umwanzuro wo gusama aho avuga ko uyu mwana ari igitangaza kuko yamusamye bigoranye.

Da Brat yavuze ko hifashishijwe intanga ze n'umugore we ndetse kwa muganga bakanamutera intanga ngabo kugirango asame. Amafoto ya Da Brat na Jude akomeje kuvugisha benshi ku mbuga nkoranyambaga.

Umuraperikazi Da Brat uri mu bakunzwe muri Leta Zunze Ubumwe z'Amerika

Da Brat n'umugore we Jude Dupart bagiye kwibaruka imfura yabo

Ku myaka 48 Da Brat aritegura kwibaruka imfura ye

Umuraperikazi Da Brat n'umugore we Jude bishimiye ko bagiye kwagura umuryango wabo

Gusama kwa Da Brat kwatangaje benshi

Da Brat witwara cyane nk'abagabo yatunguranye yerekana ko atwite

People Magazine yatangaje ko gusama kwa Da Brat kwatangaje benshi kuko yarasanzwe azwiho kwitwara nk'abagabo, kwambara nkabo ndetse byari bizwi ko ariwe mugabo mu rugo rwe na Jude Dupart aho byari byitezwe ko Jude ariwe uzatwita kuko ariwe mugore.

Gusama kwa Da Brat kwatewe n'uko umugore we Jude byari byaranze

Amafoto ya Da Brat witegura kwibaruka akomeje guca ibintu ku mbuga nkoranyambaga

Umuraperikazi Da Brat na Jude Dupart bamaze umwaka barushinze