'Asenge Imana sinzamubone' Canelo Álvarez yaburiye Lionel Messi uherutse gutsinda Mexico

Umukinnyi w'iteramakofe ukomoka mu gihugu cya Mexico, Saul Canelo Álvarez yaburiye Lionel Messi amushinja gusuzugura Mexico aherutse gutsinda mu mukino w'igikombe cy'Isi 2022, wahuje Argentina na Mexico.

Álvarez yanditse kuri Twitter ati: "Wigeze ubona Messi asukura hasi n'ishati yacu n'ibendera ryacu ????" bigaragara ko yabivugiye kuri videwo igaragaza Messi asa nk’aho atera umugeri umwambaro wa Mexico wari uri hasi, mu gihe Argentine yari iri kwishimira intsinzi mu cyumba cy'uruhinduriro.

Saul Canelo Álvarez yikomye Lionel Messi wagaragaye mu mashusho atera umugero umwambaro w'ikipe ya Mexico

Nta kigaragaza ko Messi yateye umugeri uyu mwambaro nkana abishaka, ahubwo bigaragara ko yabikoze ku bw'impanuka ubwo yakuragamo inkweto. Yakomeje agira ati "Asenge Imana sinzamubone!!" (hamwe n'urukurikirane rwa emojis zirakaye).

Nk’uko nubaha Argentina, agomba kubaha Mexico! Simvuze igihugu muri rusange, mvuze ku bintu bibi Messi yakoze.”

Ku munsi wo ku wa Gatandatu nibwo Argentine yatsinze Mexico ibitego 2-0, mu mukino utoroshye w'itsinda rya C mu gikombe cy'Isi cya Qatar. Messi yaje gutsinda igitego cyafunguye umukino, nyuma Enzo Fernández ashyira ikimenyetso ku ntsinzi ubwo yashyiragamo icya kabiri, bizamurira amanota Argentine nyuma yo gutsindwa mu buryo butangaje na Saud Arabia.

Álvarez ufatwa nk'umwe mu bakinnyi b’iteramakofe beza nyuma yo gutwara shampiyona y'Isi mu byiciro bine by'ibiro, yabwiye umunyamakuru mu makuru dukesha CNN ati: “Ni kimwe kuturusha (mu mupira w'amaguru), ni ikindi kutwubaha.”

Sergio Agüero wahoze akinana na Messi muri Argentine yasubije Álvarez kuri Twitter, agira ati: “Canelo, ntushake urwitwazo cyangwa ibibazo, rwose ntuzi umupira w'amaguru n'ibibera mu byumba bihindurirwamo.

Amashati ahora hasi nyuma y'imikino irangiye kubera ibyuya, hanyuma niba ureba neza, yageragezaga gukuramo urukweto hanyuma kubw’impanuka ayitera umugeri."

Hagati aho ku munsi wo ku wa Gatatu, Argentine irahura na Poland mu mukino wanyuma w'itsinda C, aho Mexico ihanganye na Saud Arabia berekeza mu cyiciro cya 16.