Umuherwe Jeff Bezos n'umukunzi we Lauren Sanchez baryohewe n'ubuzima mu Butaliyani-AMAFOTO

Umuherwe wa kane ku isi, Jeff Bezos, utunze akayabo ka Miliyari 146.9 z'amadolari ($146.9 billion), nyuma y'iminsi atagaragara yongeye kugaragara mu gihugu cy'u Butaliyani mu mujyi wa Roma aho yagiye gufatira ikiruhuko hamwe n'umukunzi we Lauren Sanchez umwe mu banyamakurukazi bakunzwe muri Leta Zunze Ubumwe za Amerika. 

Jeff Bezos na Lauren Sanchez bari kugiriri ibihe byiza mu Butaliyani ari na ho bakunze gutembererera.

Hollywood Life yatangaje ko Jeff Bezos w'imyaka 58 n'umukunzi we Lauren Sanchez w'imyaka 52 bagaragaye basohoka mu nyubako y'amateka Colosseum ikunze gutembererwamo na ba mukerarugendo iherereye mu mujyi wa Roma. Aba bombi kandi nyuma yo gusura iyi nyubako, banatembereye uyu mujyi benshi bita uw'urukundo (Love City) akanyamuneza ari kose.

Jeff Bezos n'umukunzi we batembereye i Roma ikiganza ku kindi.

Umuherwe Jeff Bezos yagiye kurya ubuzima mu Butaliyani n'umukunzi we Lauren Sanchez nyuma yaho bitangajwe ko umubano wabo ukomeje gukomera mu gihe Mckenzie Scott wahoze ari umugore we yatse gatanya umugabo wa kabiri yasimbuje uyu muherwe. Jeff Bezos na Lauren Sanchez kandi bakomeje no kuvugwaho ko baba benda kurushinga.

Umuherwe Jeff Bezos n'umukunzi we Lauren Sanchez baryohewe n'ubuzima mu Butaliyani.