Ku myaka 29 afite abana babiri! Ibyihariye kuri Ange Kagame wizihiza isabukuru y’amavuko yuzuye amashimwe-AMAFOTO

Ange Kagame yavukiye i Burayi mu gihugu cy'u Bubiligi mu Mujyi wa Brussel. Ntiyigeze agaragara cyane mu ruhame mu bwana bwe bwose ku bw'umutekano we. Yaminurije amashuri ye mu mahanga. Yize muri Dana Hall, ishuri ryigenga riherereye i Wellesley muri Massachusetts muri Leta Zunze Ubumwe za Amerika.

Yize kandi muri Smith College ibijyanye na siyanse ya politiki hamwe n’ibindi bijyanye na Afurika. Afite Master's yakuye muri kaminuza ya Columbia, akaba avuga indimi eshatu, Icyongereza, Kinyarwanda n'Igifaransa.

Ange Kagame yizihiza isabukuru y'amavuko ku munsi nk'uyu

Ange Kagame avukana n’abavandimwe be batatu ari bo, Ivan Cyomoro, Ian Kagame na Brian Kagame. Mu buzima busanzwe ni umufana wa Basketball n’umupira w’amaguru. Akurikira Boston Celtics na Arsenal.

Kuwa Gatatu tariki 20 Nyakanga 2022, ni bwo Perezida Kagame abinyujije kuri konti ya Twitter yashimye umukobwa we Ange Kagame n’umugabo we Ndengeyingoma bibarutse ubuheta.

Ku wa 19 Nyakanga 2020, ni bwo Ange Ingabire Kagame n'umugabo we Bertrand Ndengeyingoma bibarutse imfura yabo y'umukobwa.

Icyo gihe, Perezida Kagame yanditse kuri Twitter avuga ko we na Madamu Jeannette Kagame bishimiye kwakira umwuzukuru. Yanashimye kandi umukobwa we n’umukwe we ku bw’imfura yabo.

Ku wa 06 Nzeri 2020, Perezida Kagame yabwiye RBA ko kuba Sogokuru w’abana ari ukuzamurwa mu ntera. Ati “Ni bishya kwitwa Sogokuru, ariko ni byiza cyane. Nari menyereye kwitwa Se w’abana. Iyo wabaye noneho na Sekuru w’abana uba wazamutse mu ntera ni nka ‘promotion’. Ni indi ‘grade’ yo hejuru ishimishije.”

Ange na Bertrand bateruye imfura yabo

Perezida Kagame yavuze ko nyuma y’inshingano ze nk’Umukuru w’Igihugu, umwanya we azawuharira kwita ku buzukuru be. Akomeza agira ati “Nindagiza iyi mirimo mwanshinze, mpora niteguye, kuzatangira indi mirimo yo kureberera abuzukuru….”

Ange Kagame na Bertrand Ndengeyingoma bahamije isezerano ryabo ku wa Gatandatu tariki 06 Nyakanga 2019 mu birori bibereye ijisho byitabiriwe n’abantu bo mu miryango yombi n’abandi batumirwa bari bahawe ubutumire.

Madamu Jeannette Kagame ateruye umwuzukuru we

Ange Kagame aherutse kwibaruka ubuheta bwe

Perezida Kagame akunda kwereka urukundo abuzukuru be

Ku munsi udasanzwe w'ubukwe bwa Ange Kagame na Bertrand

Ange Kagame n'umuryango we