Elon Musk si we wenyine!: Urutonde rw'abaherwe babyaye abana benshi ku isi

Hashize iminsi micye cyane bimenyekanye ko umuherwe wa mbere ku isi Elon Musk yabyaranye impanga n'umukozi we Shivon Zilis mu buryo bw'ibanga. Ibi byatumye izi mpanga aherutse kwibaruka zihita zuzuza umubara w'abana 5 uyu muherwe amaze kubyara. 

Nyamara nubwo Elon Musk yahise yibazwaho ko yaba ariwe mukire umaze kugira abana benshi kurusha abandi baherwe si ko bimeze. Urutonde rushya rwakozwe n'ikinyamakuru Forbes Magazine rwagaragaje ko Elon Musk atariwe mukire wenyine ufite abana benshi ku isi nubwo ari we uvugwa cyane.

Dore urutonde rw'abaherwe 5 babyaye abana benshi ku isi:

1.Frank VanderSloot

Umuherwe Frank Leonard VanderSloot washinze urunganda rwa Melaleuca Inc akaba ari nawe muherwe utunze urwuri runini cyane muri Leta Zunze Ubumwe za Amerika, niwe uza ku mwanya wa mbere mu baherwe babyaye abana benshi ku isi. Frank VanderSloot w'imyaka 73 utunze akayabo ka miliyari 2.7 z'amadolari afite abana 14 yabyaranye n'umugore we Belinda VanderSloot.

2.Farris Wilks

Umuherwe Farris Wilks n'umugore we Jo Ann bafitanye abana 11

Farris Wilks umuherwe washinze idini abereye Pasiteri ryitwa Assembly of Yahweh Seventhy Day Church, akaba anafite kompanyi itunganya ibikomoka kuri Peterori niwe uza ku mwanya wa kabiri mu baherwe batunze abana benshi ku isi. Ku myaka 70 y'amavuko Farris Wilks utunze akayabo ka miliyari 1.5 z'amadolari, afite abana 11 yabyaranye n'umugore we Jo Ann Wilks.

3.David Duffield

Umuherwe David Arthur Duffield washinze kompanyi y'ikoranabuhanga yitwa PeopleSoft Inc ni we mukire uri ku mwanya wa 3 mu babyaye abana benshi ku isi. David Duffield utunze akayabo ka miliyari 8.9 z'amadolari afite abana 10 ku myaka 81 y'amavuko.

Kuri uyu mwanya wa 3 kandi harabonekaho abandi baherwe babiri bafite abana 10 bangana. Aba baherwe bafite umubare w'abana bangana harimo Jerry Moyes umuherwe washinze kompanyi y'ubutwazwi bw'abantu n'ibintu yitwa Swift Transportation. Jerry Moyes utunze miliyari 1.4 za madolari afite abana 10.

Umuherwe Jerry Moyes ufite abana 10

Undi muherwe ufite abana 10 ni Nelson Peltz w'imyaka 80 y'amavuko utunze akayabo ka miliyari 1.6 z'amadolari, akaba yarabyaranye abana 10 n'umugore we Claudia Peltz.

Umuherwe Nelson Peltz n'abana be 10

4.Elon Musk

Umuherwe wa mbere ku isi Elon Musk arikumwe n'abamwe mu bana be

Umuherwe wa mbere ku isi Elon Musk uherutse kurikoroza nyuma yaho bimenyekaniye ko yabyaranye impanga n'umwe mu bakozi be Shivon Zilis ari nabyo byahise bimugira umubyeyi w'abana 9. Elon Musk ari ku mwanya wa 4 mu baherwe 5 batunze abana benshi ku isi. Aba bana Elon Musk yababyaranye n'abagore 6 batandukanye.

5.Fred Smith

Umuherwe Fred Smith ufite abana 8

Umuherwe Fred Smith washinze kompanyi ya FedEx Corporation atunze akayabo ka miliyoni 4.8 z'amadolari, ni we muherwe uza ku mwanya wa 5 mu baherwe batunze abana benshi ku isi. Ku myaka 77 afite abana 8 yabyaranye n'abagore babiri batandukanye.

Uru ni rwo rutonde rw'abaherwe 5 batunze abana benshi ku isi.