Jacques Tuyisenge yashimangiye ko bigoye cyane ko Amavubi abona itike ya CAN 2022

U Rwanda ni urwa nyuma mu itsinda F n'amanota abiri mu mikino ine rumaze gukina, ariko rushobora kugera muri CAN ya 2022 rubashije gutsinda imikino ibiri yombi rusigaraganye, harimo wa Mozambique i Kigali tariki ya 24 Werurwe ndetse na Cameroun i Yaounde tariki ya 30 Werurwe 2021.

Amavubi aheruka muri iri rushanwa mu myaka 17 ishize, inyota yo gusubirayo ni nini ku bakunda umupira mu Rwanda.

Aganira na BBC Tuyisenge Jacques yagize ati: "Umukino wo mu rugo buri gihe uba ari ingenzi, kuko tugomba gutsinda imikino isigaye ngo dukomeze. Ibyo bigomba guhera kuri Mozambique twayakiriye. Nidutsindwa, amahirwe yacu azaba arangiye".

Gusa uyu mukinnyi usanzwe ukinira APR FC ntiyahamagawe mu bakinnyi bazakina na Mozambique kubera imvune yagiriye ku mukino wa Guinea muri CHAN 2021.

Gutsinda OS Mambas ya Mozambique ntibyaba bihagije, kuko haba hagisabwa akazi gakomeye ko gutsindira Cameroun iwayo mu mukino wa nyuma wo mu itsinda.

Cameroun, n'ubwo izakira iri rushanwa mu 2022, izaba icyeneye gusoza amajonjora itanga icyizere ku bakunzi bayo ibaha intsinzi.

Hagati aho Mozambique na Cape Verde - yombi ubu afite amanota ane - nayo azakina kugira ngo yisobanure mu gihe kimwe cy'imikino ya nyuma mu matsinda.

Tuyisenge yakomeje agira ati: "Dutsinze umukino wo mu rugo byaduha amahirwe. Twakwizera gutsinda n'umukino ukurikiyeho. Ariko birumvikana, ntibizaba byoroshye. Dufite amanota abiri gusa".

Jacques ahamya ka ko bitoroshye ko Amavubi azerekeza muri CAN 2022