Mu Rwanda hatangijwe icyumweru cyo guteza imbere umuco wo gusoma

Iyi gahunda yahuriranye no gufungura isomero mu karere ka Rulindo mu rwego rwo gukangurira Abanyarwanda muri rusange umuco wo gusoma no kwandika, aho ababyeyi basabwe gufata iya mbere bagana amasomero mu gutanga urugero no gutoza abana umuco wo gukunda gusoma.

Abaturage batangiye kwitoza umuco wo gusoma

Emelienne Niwemwiza,Umuyobozi w’akarere wungirije ushinzwe imibereho myiza  yagize ati “Ubu dusigaranye abaturage 1016 batazi gusoma no kwandika,  twiyemeje ko uyu mwaka tuzagera kuri 95% maze umwaka utaha tugahiga 100%.” Akomeza kanndi  avuga ko bafite amasomero 179 ari mu bigo by’amashuri n’ahandi hatandukanye mu karere. Iri somero ririmo ibice 2 bitadukanye iryabana ni ryabantu bakuru .

Emelienne Niwemwiza,Umuyobozi w’akarere wungirije ushinzwe imibereho myiza

Muri iyi gahunda, hateganijwe ibikorwa bitandukanye birimo amarushanwa yo gusoma no kwandika imivugo, azitabirwa n’abo mu mashuri abanza n’ayisumbuye. Hazabaho kandi gutanga ibihembo, ingendo zigamije guteza imbere umuco wo gusoma no kwandika, imurikabitabo, gusura amasomero n’ibindi bigamije gushishikariza abantu kugira umuco wo gusoma.

Iri somero niryo ryatangijer muri aka karere

Iri torero ryasusurukije abitabiriye iki gikorwa

Dore ibi bikorwa bizakurikirana mu ntara zisigaye:

Ku wa 17 Gashyantare 2015 bizabera mu ntara y’Iburasirazuba mu Karere ka Kayonza.

Ku wa 18 Gashyantare 2015 bizabera mu ntara y’Amajyepfo mu Karere ka Nyanza.Hanyuma

 ku wa 19 Gashyantare 2015 bibere mu ntara y’Uburengerazuba mu Karere ka Rusizi.