Hip Hop: Gsb Kiloz, Neg G, Generous 44, Glory Majesty, Extra basubiyemo indirimbo “Akarwa” yakunzwe na benshi -YUMVE

Iraguha Lando Fils (GSB Kiloz) wari wasohoye iyi ndirimbo “Akarwa” yatangarije INYARWANDA impamvu yatekereje gusubiramo iyi ndirimbo n’impamvu yahisemo aba baraperi. Yagize ati: “Maze gusohora indirimbo “Akarwa”, yakiriwe neza n’abakunzi ba muzika, nyuma ni ko kwigira inama yo kuyisubiramo nganira n’Abaraperi barimo aba bumvikana muri iyi ndirimbo, tuyisubiramo kugira ngo ubutumwa bugumye gutambuka neza, kuko burakomeye cyane. Aba baraperi nahisemo ni abahanga bakora injyana ya Hip Hop y’umwimerere”.

GSB Kiloz na Groly Majesty

GSB Kiloz umaze kugira indirimbo nyinshi  zirimo; ”Ibisekuru”, “Giti mu jisho” yakoranye na Gisa cy’Inganzo,”Insazi”, “Akarwa“ n’izindi, kuva yatangira kuririmba mu mwaka wa 2017, avuga ko yakabaye afite ibihangano byinshi kugeza ubu ariko ashimangira ko iki ari cyo gihe cyo gukorana imbaraga agaha abakunzi ba Hip Hop ibyo bifuza bikubiyemo ubutumwa bwiza atari ibiyobya urubyiruko.

Neg G The General wumvikana muri iyi ndirimbo ni umwe mu bari kongera kwiyerekana neza ku ruhando rwa muzika nyuma yo kuva Iwawa. Mu minsi mike avuye mu kigo ngororamuco, yahise ashyira hanze indirimbo zarimo; ”Bapinge”, ”Ibya kera”, “Nta muntu wari uzi ibi bintu” iri gukundwa na benshi.

Generous 44, akunzwe cyane muri Hip Hop, dore ko yakunzwe cyane mu ndirimbo yise “Ntabirenze”, "Call Me Your G" n’izindi.