Umuyobozi mukuru wa FC Barcelona Josep Bartomeu ashobora kujya mu gihome mu gihe yagira uruhare mu igurishwa rya Lionel Messi ibintu byaba atari ubwa mbere dore ko byigeze no kuba kuri Sandro Rosell Barrtomeu yasimbuye.
Mu
rukerera rwo kuri uyu wa gatatu tariki 01 Nzero 2020 ni bwo, umubyeyi wa Messi Jorge Messi, yageraga
mu gihugu cya Espagne mu kuganira n'ubuyobozi bwa FC Barcelona ku bijyanye
n'ikibazo cya Messi udashaka kuguma mu ikipe.
Lionel
Messi afite amasezerano azageza mu mwaka utaha wa 2021 bivuze ko mu masezerano ye
ikipe yashaka kumugura yakwishyura miliyoni €700, ubundi ikamwegukana. Mu gihe
Messi yakomeza kwanga kongera amasezerano Bartomeu afite ubwoba bw'uko yazagendera ubuntu ariyo mpamvu yiteguye kwakira amafaranga yava mu yindi kipe.
Josep Bartomeu umuyobozi wa FC Barcelona
Umusesenguzi
ku mupira wo muri Espagne, Guillem Balague yatangaje ko Bartomeu mu gihe yakora ikosa
agatanga Messi nabi ashobora kwisanga muri gereza kuko umuyobozi uzayobora
Barcelona, ndetse n'abashinzwe kugurisha amatike bashobora kuzamushinja
gukoresha nabi imitungo y'ikipe bikarangira yishyuye akayabo k'amafaranga
cyangwa agafungwa.
Si ubwa mbere umuyobozi wa FC Barcelona yaba afunzwe azira imikoreshejeze mibi
y'amafaranga y'ikipe, kuko na Sandro Rosell wayoboye Barcelona kuva mu 2010 kugeza mu 2014 yafunzwe igihe kigera ku mezi 20 azira amafaranga adasobanutse yagaragaye mu
igurwa rya Neymar.
TANGA IGITECYEREZO