Airtel Rwanda
Kigali

Batanu mu bakinnyi ba FC Barcelona basanganwe Coronavirus bigirwa ibanga

Yanditswe na: SAFARI Garcon
Taliki:3/06/2020 11:12
0

Byavumbuwe ko abakinnyi batanu ba FC Barcelone yo mu Cyiciro cya Mbere muri Espagne basanzwemo Coronavirus ariko ayo makuru agirwa ibanga nk’uko byemezwa Radio ikomeye yo mu mujyi wa Catalonia yitwa RAC1.



Radio ya RAC1 yatangaje ko FC Barcelona yahishe bikomeye aya makuru y’abakinnyi bayo banduye Coronavirus nubwo ubu bakize bakaba baragarutse mu myitozo.

Kugeza ubu FC Barcelona ntishaka kugira icyo ibivugaho cyane ko irajwe ishinga no gusubukura shampiyona igahanganira igikombe cya shampiyona na Real Madrid begeranye mu manota.

Iyi radio ntiyigeze igira umukinnyi n’umwe itangaza mu basanganwe Coronavirus muri FC Barcelona gusa hari amakuru avuga ko aba bose nta n’umwe wagaragazaga ibimenyetso.

Iyi Radio yavuze kandi ko uretse aba bakinnyi 5 hari n’abandi bantu 2 bari mu batoza ba FC Barcelona nabo basanganwe Coronavirus.

Igihugu cya Espagne kiri mu byashegeshwe cyane na Coronavirus kuko abantu 240,000 banduye iyi ndwara hanyuma 27,000 irabahitana.

Mu cyumweru gishize, Kapiteni wa FC Barcelone, Lionel Messi, yavuze ko nk’abakinnyi bari bamaze iminsi bafite impungenge z’uko buri kimwe kizaba kimeze bitewe n’ibyabaye mu bice bitandukanye by’Isi kubera Coronavirus.

Shampiyona ya Espagne yasubitswe FC Barcelona ariyo iyoboye urutonde rwa shampiyona, ikaba izagaruka mu kibuga kuwa 13 Kamena ikina na Mallorca muri La Liga.


Batanu mu bakinnyi ba FC Barcelona banduye COVID-19 bigirwa ibanga





TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND