MTN
Kigali

‘Silent Disco’ igiye kubera i Huye iherekejwe na “Parte after parte” izayoborwa na Miss Amandah

Yanditswe na: Janvier Iyamuremye
Taliki:12/11/2019 12:14
0

Aba-Djs bagezweho mu kuvangavanga muzika muri iki gihe bahurijwe mu gitaramo gikomeye cya ‘Silent Disco’ kizabera mu Mujyi wa Huye mu Ntara y’Amajyepfo, kuwa 15 Ugushyingo 2019.



Iki gitaramo “Huye Silent Disco” kizabera kuri E-Bis kuwa 15 Ugushyingo 2019 guhera sa moya z’umugoroba. Ni kimwe mu bitaramo bihuriza hamwe imbaga byatewe inkunga n’Uruganda rwa SKOL rubinyujije mu kinyobwa cya SKOL Lager kiri mu birango bishya.

Dj Anita, Dj Phil Peter, Dj Diallo, Dj Traxx, Dj Vybz, Dj Socrate na Dj Kixx bazahuza imbaraga batange ibyishimo ku bazishyura 5, 000 Frw bagahabwa n’icyo kunywa ndetse na 3,000 Frw ku banyeshuri.

Mu bitaramo bya ‘Silent Disco’ buri wese ahitamo Dj yumva akurikije injyana cyangwa se indirimbo akunda. Iki gitaramo kizaherekezwa na “Parte After Parte Pool Party” izayoborwa na Miss Amandah wari umaze iminsi muri Uganda.

Miss Isimbi Amanda yabaye igisonga cya Nyampinga w'Ishuri ry'Imari nAmabanki (SFB) muri 2013.

Yavuzwe cyane mu itangazamakuru bitewe n’ifoto ye yasakaye yicaye benshi bavuga ko yibagiwe kwambara umwenda w’imbere. Uyu mukobwa yanagaragaye mu mashusho y’indirimbo ya Dj Pius na GoodLfye.

“Parte After Parte” izaba kuwa 16 Ugushyingo 2019 muri 4STEP Hotel (Huye) guhera saa saba z’amanywa kwinjira ni 1,000 Frw ku muntu umwe. Izasusurutswa na Djs Diallo ndetse na Dj Kixx.

Ibi bitaramo biri gutegurwa na Decent Entertainments ya Alex Muyoboke. Muri Nzeri 2019 ‘silent Disco’ nk’iyi yabereye mu karere ka Musanze mu Ntara y’Amajyaruguru ahari ubwitabire bwo hejuru.

'Silent Disco' igiye kubera i Huye ikurikira iyabereye i Musanze

"Parte After Parte" izayoborwa na Miss Isimbi Amandah [Amandah Darling] wari umaze iminsi muri Uganda ashinjwa na Shelia Gashumba kumutwara umugabo








Inyarwanda Art studio
Inyarwanda BACKGROUND