Nyuma ya Fresh Kid muri Uganda habonetse undi muraperi muto

Peter Kabugo wacuruzaga capati agiye kwerekana impano ye nyuma yo kubona abamufasha 

Nta mezi menshi arashira ahagaritse akazi ko gucurUza capati ku muhanda kugira ngo abone amaramuko. Yahagaritse aka kazi nyuma yo kubona abamufasha kuzamura impano ya muzika.

Nubwo inzira itabwira umugenzi, Peter Kabugo ngo yarasanzwe aririmbira abana burungano rwe ku muhanda n’abakiriya be ari naho yakuye abari kumufasha nyuma yo kumubonamo impano ikomeye. 

Abatahuye iyi mpano n’abavandimwe babiri Franscis na I an Pro, ubu bamaze kumufasha gukora indirimbo eshatu mu buryo bw’amajwi. Yasabye abagande kumushyigikira bagateza imbere impano ye. Ati "Ndashaka ko mumfasha, nabonye benshi bafite impano mwagiye mufasha".

Akomeza avuga ko akunda muzika ariko cyane cyane injyana ya HipHop. Ubu aba bavandimwe babiri bamaze kumuhuza n’inzu ifasha abahanzi yitwa Jua Kali Entertainment.