Inyarwanda art Studio
Kigali

BOX OFFICE: filime Fast & Furious Presents: Hobbs & Shaw irayoboye mu ziri kugurishwa cyane ku isi

Yanditswe na: UDAHOGORA Vanessa Peace
Taliki:5/08/2019 14:54
0

Fast & Furious ni filime yatangiye muri 2001, kugeza ubu hamaze gusohoka ibice byayo 8, Fast & Furious Presents: Hobbs & Shaw yasohotse kuri uyu wa gatanu tariki 02/08/2019 ikaba ari filime ikomoka kuri izi (spin-off).



1. Fast & Furious Presents: Hobbs & Shaw


Ni filime icuruzwa na Universal ,irimo abakinnyi bakomeye nka Dwayne Johnson, Jason Statham, Idris Elba n’abandi. Muri iyi weekend yinjije $60,800,000 muri Amerika gusa, ku isi hose yinjije $180,800,000. Kuyikora byatwaye miliyoni 200 z’amadolari, iri mu bwoko bwa Action.

2. The Lion King (2019)


Iyi filime yasohotse tariki 19/07/2019, icuruzwa na Buena Vista, muri iyi weekend yinjije $38,246,000 muri Amerika gusa, kuva yasohoka kugeza ubu ku isi hose yinjije $1,195,789,078. Iyi filime iri mu bwoko bwa Action/Adventure, Beyonce akaba umwe mu bakoreshejwe mu buryo bw’amajwi. Amafaranga yakoreshejwe mu gutunganya iyi filime ntiyigeze atangazwa, ubushize niyo yari ku mwanya wa mbere.

3. Once Upon a Time in Hollywood


Ni filime iri mu bwoko bwa Comedy/Drama ikaba icuruzwa na Sony/Columbia, yasohotse kuri uyu wa gatanu tariki 26/07/2019, icuruzwa muri Amerika gusa kugeza ubu. Ihuriwemo n’abakinnyi bakomeye nka Leonardo DiCaprio, Brad Pitt, Margot Robbie, Dakora Fanning, Luke Perry n’abandi. Muri iyi weekend yinjije $20,025,000, kuva yasohoka kugeza ubu imaze kwinjiza $78,842,475 ni mu gihe ayo byatwaye ngo itunganywe atigeze atangazwa. Ubushize yari ku mwanya wa 2.

4. Spider-Man: Far from Home


Spiderman ni filime imaze imyaka myinshi isohoka ndetse ikaba ikunzwe na benshi. Ku itariki 02/07/2019 hasohotse igice cyayo cyitwa Spider-Man: Far from Home, ni filime ya Sony/Columbia, ikaba iri mu bwoko bwa Action/Adventure. Muri Amerika gusa, muri iyi weekend iyi filime yinjije $7,755,000. Kuva yasohoka, ku isi hose iyi filime imaze kwinjiza $1,075,328,925, kuyikora byatwaye miliyoni 160 z’amadolari, ubushize niyo yari ku mwanya wa 3.

5. Toy Story 4


Iyi filime yasohotse tariki 21/06/2019 icuruzwa na Buena Vista, ikaba irimo abakinnyi nka Tom Hanks, Jordan Peele, Keanu Reeves n’abandi, bakoreshejwe mu buryo bw’amajwi. Muri amerika gusa, iyi filime yinjije $7,150,000 muri weekend, ku isi hose kuva yasohoka yinjije  $959,250,743, ayo byatwaye ngo itunganywe ntiyigeze atangazwa, ubushize yari ku mwanya wa 4.

6. Yesterday


Muri iyi weekend iyi filime yinjije $2,440,000, iri mu bwoko bw’urwenya, yasohotse tariki 28/06/2019. Kuva yasohoka kugeza ubu, imaze kwinjiza $118,902,655, kuyikora byatwaye miliyoni 26 z’amadolari, ubushize n’ubundi yari ku mwanya wa 6.

7. The Farewell


Iyi filime iri mu bwoko bwa Comedy/Drama ikaba icuruzwa na A24. Yasohotse ku itariki 12/07/2019 ndetse muri iyi weekend yinjije $2,429,114. Kuva yasohoka kugeza ubu icuruzwa muri Amerika gusa, ikaba imaze kwinjiza $6,837,624. Ubushize yari ku mwanya wa 10.

8. Crawl


Ni filime nshya yasohotse kuri uyu wa gatanu tariki 12/07/2019. Icuruzwa na Paramount, muri iyi weekend yinjije $2,150,000 muri Amerika gusa. Ni filime iteye ubwoba, ku isi hose imaze kwinjiza $53,690,773, kuyikora byatwaye miliyoni 13.5 z’amadolari, ubushize yari ku mwanya wa 5.

9. Aladdin (2019)


Iri mu bwoko bwa Fantasy yasohotse tariki 24/05/2019 ndetse umukinnyi w’imena muri yo ni Will Smith. Icuruzwa na Buena Vista, yasohotse benshi bayitegereje kubera uburyo Will Smith yayamamaje mbere y’uko isohoka. Muri iyi weekend yinjije $2,018,000 muri Amerika gusa, ku isi hose imaze kwinjiza $1,025,569,592kuyikora byatwaye miliyoni 183 z’amadolari; ubushize niyo yari ku mwanya wa 7.

10. Annabelle Comes Home


Ni filime iteye ubwoba yaje isanga ibindi bice byayibanjirije, yasohotse ku itariki 26/06/2019, icuruzwa na Warner Bros (New Line). Muri iyi weekend yinjije $875,000, kuva yasohoka kugeza ubu imaze kwinjiza $211,775,112, ayo byatwaye ngo itunganywe ntiyigeze atangazwa. Ubushize niyo yari ku mwanya wa 9.








Bahaus

Inyarwanda BACKGROUND