iTel
Kigali

Nsengiyumva waririmbye ngo umukobwa ni igisupusupu, ni igisukari yasohoye indirimbo yise ‘Icange mukobwa’-VIDEO

Yanditswe na: Janvier Iyamuremye
Taliki:3/05/2019 18:49
17

Umuhanzi Nsengiyumva Francois w’imyaka 41 y’amavuko ukunzwe mu ndirimbo ‘ Mariya Jeanne’ yaririmbyemo ngo umukobwa ni igisupusupu, ni igisukari yashyize ahagaragara indirimbo nshya yise ‘Icange mukobwa’ igaragaramo ababyinnyi b’Itorero Intayoberana.



Iyi ndirimbo ‘Mariya Jeanne’ yaririmbyemo ngo umukobwa ni igisupusupu, ni igisukari,  imaze kurebwa n’abarenga Miliyoni ku rukuta rwa Youtube. Icurangwa henshi mu tubyiniro, utubari n'ahandi banyuzwe n'iki gihangano gakondo kirimo ibicurangisho by'umuco nyarwanda.

Kuri ubu Nsengiyumva yashyize hanze indirimbo nshya yise ‘Icange mukobwa’ yasohotse kuri uyu wa Gatanu tariki 03 Gicurasi 2019, igizwe n’iminota ine n’amasegonda 28’. Igaragaramo umukinnyi wa filime akaba n’umunyarwenya, Mugisha Emmanuel wamamaye nka Clapton ndetse na Nkota Eugene.

Amashusho y’iyi ndirimbo agaragaza ko yafatiwe mu bice byitaruye Umujyi wa Kigali. Ni indirimbo yanyujijemo ubutumwa bw’umukobwa wakundanye n'umusore  bemeranya no kubana, umusore atanga inkwano. Umukobwa agiye kuvoma afatwa ku ngufu n'undi musore amutera n'inda. Uwagombaga kumurongora aramubenga.’Nsengiyumva aririmba anicurangira umuduri.

Iyi ndirimbo ye ‘Mariya Jeanne’ yatumye benshi batangira kumuhanga amaso. Ni umwe mu bahanzi bari gufashwa bya hafi na Alain Mukuralinda uvuga ko ‘guhanga dushingiye ku mwimerere gakondo, bizatuma ibihangano nyarwanda birenga imbibi maze byogere hose’.  

Iyi ndirimbo mu buryo bw’amajwi (Audio) yakozwe na Producer Jay P hamwe na Karim naho mastering ikorerwa muri Côte d'Ivoire.

Nsengiyumva yashyize hanze indirimbo nshya yise 'Icange Mukobwa'.

Alain Mukurarinda na Nsengiyumva, umuhanzi ari gufasha kurushaho kumenyekanisha impano ye.

KANDA HANO UREBE INDIRIMBO 'ICANGE MUKOBWA' YA NSENGIYUMVA







IBITECYEREZO

  • JEAN D'AMOUR1 month ago
    NISHIMIYE IBYOMWANYERETSE
  • Eric 1 month ago
    Uyu musaza arasa na bamenya
  • RASTA G1 month ago
    arabishoboye kbs
  • ruyange charles1 month ago
    Mbonyababyinnyi nibuka babandi bafite ibibazo kdi bitwa ngo babyina murukerereza ese nanubu minispoc ntakintu irakora koko mugomba ark kwigaya ibyo mwakora byose muradusebya uwo sumuco nyarwanda peee
  • Ngutete1 month ago
    Alain Mukuu warakoze kuzamura uwo mugabo yarapfanye impano indirimbo ze ndazikunda cyaneee
  • jiribel1 month ago
    kbs uwo musaza nakomerezaho tumurimap ahubwo ntagume aze izind
  • Nkusi1 month ago
    Muraho, Alain Muku ni umu papa w umugabo pe, komerezaho udufashirize abantu bafite impano ariko badafite ubushobozi bwo kuyigaragaza.warakoze uyu umuhanzi w umuduri tumwemera kubi
  • I Clément1 month ago
    Komeza umurava kdi inganzo yawe ikomeze ishore imizi mu muco Nyarwanda.
  • mukiza ferdinand1 month ago
    Uwo musaza arashimishije nibura atuma twisekera Funny song!
  • Pazzorela1 month ago
    Uyu musaza arabikora kbsa
  • jedewo1 month ago
    nakomereze aho ndamushyi gikiye
  • mutoni4 weeks ago
    gicange ni yonkunda
  • mutoni4 weeks ago
    Ca va
  • mutoni4 weeks ago
    ushatsekuvuga iki
  • MUTONI4 weeks ago
    bimeze bite iwanyu
  • cyprien nganju4 weeks ago
    Yego nibyi afite impano alain muku imana imuhe umugisha
  • nsengiyumva claude1 week ago
    urashoboye musaza komereza aho, uramenye ntuzacike imbaraga kuko urashoboye.


Inyarwanda BACKGROUND

Copyright © 2008-2019 Inyarwanda Ltd
RSS