iTel
Kigali

Box Office: Shazam! Niyo filime iyoboye izindi mu zacurujwe cyane ku isi muri iyi weekend

Yanditswe na: UDAHOGORA Vanessa Peace
Taliki:15/04/2019 19:39
0

Filime y’imirwano yitwa Shazam! Niyo kuri ubu iyoboye urutonde rwa filime ziri kugurwa cyane ku isi, ikaba igiye kuzuza ibyumweru 2 iyoboye urutonde rwa Box office.



1. Shazam!

Shazam

Muri iyi weekend Shazam! Yinjije $25,140,000, yasohotse tariki 05/04/2019. Icuruzwa na Warner Bros. (New Line), kuva yasohoka kugeza ubu imaze kwinjiza $221,213,013, kuyikora byatwaye miliyoni 100 z’amadolari. Ubushize n’ubundi yari ku mwanya wa mbere.

2. Little

boxoffice

Ni filime icuruzwa na Universal ikaba ari nshya kuri uru rutonde, dore ko yasohotse tariki ya 12/04/2019. Ni filime isekeje, muri iyi weekend yinjije $15,499,000 muri Amerika gusa, ku isi hose imaze kwinjiza $17,399,000.

3. Hellboy (2019)

boxoffice

Nayo ni filime nshya yo mu bwoko bwa Action yasohotse tariki 12/04/2019, ibasha kwinjiza $12,015,000 muri Amerika, akaba ari nayo mafaranga yonyine imaze kwinjiza kugeza ubu. Icuruzwa na Lionsgate/Summit, kuyikora byatwaye miliyoni 50 z’amadolari.

4. Pet Sematary (2019)

boxoffice

Iyi ni filime iteye ubwoba ya Paramount, yasohotse tariki 05/04/2019. Muri iyi weekend yinjije $10,000,000. Ubushize yari ku mwanya wa 2, kuva yasohoka kugeza ubu imaze kwinjiza $76,821,660. Kuyikora byatwaye miliyoni 21 z’amadolari, ubushize yari ku mwanya wa 2.

5. Dumbo (2019)

boxoffice

Dumbo ni filime iri mu bwoko bwa Adventure, muri iyi weekend yinjije $9,186,000 ikaba yarasohotse tariki 29/03/2019. Ubushize yari ku mwanya wa 3, icuruzwa na Buena Vista, kuyikora byatwaye miliyoni 170 z’amadolari, ikaba imaze kwinjiza $266,945,162.

6. Captain Marvel

boxoffice

Nayo icuruzwa na Buena Vista, yasohotse tariki 08/03/2019 ikaba iri mu bwoko bwa Action/Adventure. Muri iyi weekend yinjije $8,626,000. Iyi filime kugeza ubu imaze kwinjiza $1,064,536,581, ayo byatwaye ngo itunganywe ntiyigeze atangazwa, ubushize niyo yari ku mwanya wa 5.

7. Us

boxoffice

Ni filime iteye ubwoba inakinamo Lupita Nyong’o ikaba icuruzwa na Universal, muri iyi weekend yinjije $6,946,000.  Yasohotse ku itariki 22/03/2019, icuruzwa na Universal, kuva yasohoka kugeza ubu imaze kwinjiza $235,998,425, kuyikora byatwaye miliyoni 20 z’amadolari.

8. After (2019)

boxoffice

Iyi filime yasohotse tariki 12/04/2019, ihita yinjiza $6,200,000 muri Amerika gusa, akaba ari nayo mafaranga gusa imaze kwinjiza. Icuruzwa na Aviron, iri mu bwoko bwa Drama, ayo byatwaye ngo ikorwe ntiyigeze atangazwa.

9. Missing Link

boxoffice

Missing Link ni filime yo mu bwoko bwa animation icuruzwa na United Artists Releasing. Yasohotse tariki 12/04/2019, muri iyi weekend yinjije $5,841,434 muri Amerika, ikaba ari nayo gusa imaze kwinjiza, ayo byatwaye ngo itunganywe yo ntiyigeze atangazwa.

10. The Best of Enemies

boxoffice

Iyi filime iri mu bwoko bwa Drama, ikaba icuruzwa na STX Entertainment, yasohotse tariki 05/04/2019. Kugeza ubu icuruzwa muri Amerika gusa, muri iyi weekend yinjije $2,000,000, mu gihe imaze ku isoko imaze kwinjiza $8,101,570.








Inyarwanda BACKGROUND

Copyright © 2008-2019 Inyarwanda Ltd
RSS