Brazil: Imikino yahagaze bitewe n'imyuzure

Muri ibi bihe by'imvura ibice bitandukanye bigize Isi biri kwibasirwa n'ibiza biturutse ku mvura nyinshi ndetse hakabaho n'imyuzure. 

Ibi ntabwo byasize igihugu cya Brazil mu gace ka Rio Grande do Sulhas kuko kuva mu Cyumweru gishize kibasiwe n'ibiza.

Ibi byatumye amakipe abarizwa muri aka gace ya Internacional, Grêmio na Juventude asaba ishyirahamwe ry'umupira w'amaguru muri Brazil (CBF) ko yahagarikirwa imikino yayo.

Kuri uyu wa Kabiri, CBF yatangaje ko imikino aya makipe yari kuzakina yaba iyo yari kuzakira n'iyo yari kuzakinira hanze isubitswe kuzageza taliki 27 z'uku kwezi.

Umunya-Brazil, Neymar abinyujije ku mbuga nkoranyambaga kuri uyu wa Kabiri yashishikarike abantu gutanga ubufasha iwabo bijyanye nuko umuntu abishoboye.

Nk'uko ikinyamakuru ESPN kibitangaza abantu 83 nibo bamaze kwicwa n'iyi myuzure mu gihe abandi 111 bo baburiwe irengero muri Brazil. Abarenga ibihumbi 80 bavuye mu byabo mu gihe abandi 15 bo bahungiye ku mashuri.

Imyuzure muri Brazil yatumye imwe mu mikino isubikwa

Igihugu cya Brazil cyugarijwe n'imyuzure