Indirimbo naririmbye bise iz'isi njye ntabwo ari ko nzita- Patrick Nyamitari

Mu kiganiro twagiranye na Patrick Nyamitali ubwo yatugezagaho indirimbo ye nshya ihimbaza Imana, yagize ati, “Navuga ko icyo Gospel bivuga ari ubutumwa bwiza. Ntabwo ari njye rero uyibamo ahubwo niyo imbamo. Ntacyazimije ubutumwa bwiza buri muri njye ariyo gospel nyine.”

N’ubwo hari abatekereza ko uyu muhanzi asigaye aririmba indirimbo zisanzwe(iz’isi), ku ruhande rwe siko azita. Ati,“Indirimbo naririmbye bise iz’isi njye ntabwo ari ko nzita. Byatewe na contexte izo ndirimbo zari zirimo bigatuma ntajambo Yesu rizamo ariko ari ijambo ry’Imana risa(gusa). Urugero natanga ni indirimbo Umuntu ni nk’undi. Ntacyahindutse na kimwe gusa ubutumwa bushobora guhindurwa na context indirimbo irimo.”

Patrick Nyamitali ngo ntiyavuye muri gospel ndetse n'ubutumwa atanga ntibwahindutse

Mani Martin na mugenzi we Patrick Nyamitali

Tumubajije icyo yashingiyeho cyangwa icyamuteye imbaraga zo kuba yakora iyi ndirimbo ,yagize ati, “Narebye abantu bapfa, abarwaye, abafite ibibazo bitandukanye nsanga ibi bihe tugezemo birakomeye pe. Narirebye nsanga Imana yagendanye nanjye nsanga ntiyigeze indeka kuko ndiho kandi ndahumeka. Nasanze iryo shimwe ntarigumana ku mutima.”

Dore amagambo agize indirimbo Iya ataba wowe ya Patrick Nyamitali:

Iyo ataba Wowe Mana, simba nkiriho

Iyo ataba Wowe Data, simba meze uku. 

1. Niba ukiriho ukaba uri muzima, ukwiye kwibaza
    Ni iki urusha abandi bo batakiriho, gira icyo wibazaaaa

    Mu buzima bgawe ntukihugireho, oya oya oyaa

    Zengurutsa amaso ku bigukikijeeee, urebe icyo ubonaaaa

    Imana Igira ubuntuuu, Igira imbabaziii (ye) (imbabazi imbabazi hii)
    Yirengagiza ububi bgacuu (ye) Ikadukizaaa (eeeee)

CH/ Iyo ataba Wowe Mana, simba nkiriho

        Iyo ataba Wowe Data, simba meze uku.X2 

2. Hirya no hino iburyo n`ibumoso, ni amarira gusaaa

    Abo uzi nabo utazi bari mu maganyaaa, indushyi ni nyinshiii

    Gera mu bitaro urebe uko bimeze, urahita wibazaaa

    Urahita ubona ko umuntu ntacyo aricyoooo,  ni umubiri uboraaaa

     Imana Igira ubuntuuu, Igira imbabaziiiii
     Yirengagiza ububi bgacuu (ye) Ikadukizaaaaaa (wowe) 

 CH/ Iyo ataba Wowe Mana, simba nkiriho

        Iyo ataba Wowe Data, simba meze uku.X2

Bridge:Uhmm kubera umugambi waweee, ndatekanyeeee

             Kubera urukundo rwaweeee, umutima uratuje umutima uratujeeeeeee

CH/ Iyo ataba Wowe Mana, simba nkiriho

        Iyo ataba Wowe Data, simba meze uku.X2

        La la la uh uu uh uuuuuu

UMVA INDIRIMBO IYO ATABA WOWE YA NYAMITALI

Munyengabe Murungi Sabin.