Patient Bizimana yakoze indirimbo iri mu njyana adasanzwe akora -Video

Ubusanzwe Patient Bizimana azwiho gukora indirimbo zigenda buhoro kandi zituje. Indirimbo’King of Kings’ yo ikaba ifite injyana yihuse ugereranyije n’iyo uyu muhanzi asanzwe akora. Patient avuga ko impamvu yakoze indirimbo yihuta ari ukugira ngo abantu bakunda ibihangano bye ,bakunda kuramya Imana mu njyana yihuse nabo bibonemo.

Patient Bizimana ubwo yamurikaga album ye'Ubwo buntu'

Ati” Buri muntu agira umwihariko we. Ubusanzwe nkunda kuririmba muri style(injyana) igenda buhoro ariko nashatse ko nabandi bibona muri style yihuta bagira imwe mu ndirimbo zanjye bibonamo kuri iyi album, urebye niyo mpamvu nabikoze kuriya kandi nishimiye uburyo yasohotse imeze nuburyo amashusho yayo yakozwe na Meddy Saleh yakozwe neza.”

Patient yakomeje avuga ko impamvu yahisemo kwita iyi ndirimbo 'Kings of kings’(Umwami w’abami) ari uko yashakaga kwibutsa abantu ko ubwami bw’Imana butashyizweho n’abantu kandi butazigera buhanguka ndetse ko buri wese akwiriye guharanira kuzabubamo iteka.

Gaby Kamanzi umwe mu bafashije Patient Bizimana mu imurikwa rya Album ye ndetse bakaba barafatanyije mu kuririmba'King of Kings'

Indirimbo’Kings of Kings’ ni  imwe mu ziboneka kuri Album DVD uyu muhanzi  yamuritse kuri Pasika mu gitaramo yakoreye muri Serena Hotel kikitabirwa n’abantu benshi cyane ndetse kuri ubu DVD yayo ikaba iboneka ahantu henshi hatandukanye . Album’Ubwo buntu’ iboneka ku Nkurunziza,Zion Temple mu Gatenga, Restoration  Church Kimisagara,Resitoration Church  Masoro,kuri Eglise Vivante,Zion Temple Gisozi,Blues Café mu mujyi wa Kigali,Resitoration Church Gikondo. DVD imwe ikaba igura ibihumbi bitatu by’amanyarwanda(3000 Frw).

Kuri iyi album hakubiyeho indirimbo zakunzwe na benshi nka’Amagambo yanjye’,Ubwo buntu’, ‘Nushimwe’umuhanzi Patient yakoranye na Dudu w’I Burundi n’izindi zinyuranye.

Reba hano amashusho y'indirimbo'King of Kings'Patient Bizimana yafatanyije na Gaby Kamanzi

Renzaho Christophe