Diamond ushimishijwe cyane no gukira kwa Hawa babyaranye yiyemeje kuzamufasha agatangira Business

Mu kwezi gushize ni bwo twabagejejeho inkuru ivuga ko Diamond yemeye kwitanga cyane kugira ngo uyu mukobwa avuzwe kuko yari afite uburwayi bw’impyiko zangiritse ndetse biri ngombwa ko azajya kuvurizwa mu Buhinde ariko ubushobozi bwari ikibazo cyane maze Diamond agatanga angana na Milliyoni 5 yo kuvuza Hawa, umuhnazikazi banabyaranye umwana nyuma yo gukorana indirimbo.

Muri iyi minsi rero, Hawa uri mu Buhinde, yarabazwe ndetse ubu ngo ubuzima bwe bumeze neza kuko ari no koroherwa nk’uko Babu Tale, Manager wa Diamond yabigaragaje binyuze ku rukuta rwe rwa Instagram aho yashimangiye ko Hawa yorohewe rwose nyuma yo bugawa n’ubwo bitari byoroshye ndetse aniteguye gusubira iwabo muri Tanzaniya. Ashimira cyane abamusengeye anabasaba gukomeza kumusengera ngo atore agatege anakire neza ubuzima bukomeze uko bwahoze.

Babu Tale yagaragaje ko Hawa yorohewe ubu ameze neza asaba ko yakomeza gusengerwa 

Bidatinze rero kuri wa Gatanu na Diamond yahise agaragaza ibyishimo afite ku kuba Hawa bakoranye indirimbo ‘Ntarejea’ yorohewe kandi yiteguye gusubira muri Tanzaniya ndetse anashimangira ko atazamwakira amara masa kuko yamusabye ko yazamuha igishoro yiteguye kukimuha rwose aho yagize ati “Nyuzwe no kubona uri guseka ubu…Nzishimira kumva igitekerezo cyiza kizava muri business yawe kandi nzabigufashamo #HawaUbuAriGuseka”

Tubibutse ko byavuzwe ko uyu muhanzikazi Hawa yabyaranye na Diamond n’ubwo ngo yabatereranye cyane ntamufashe kurera umwana, ibintu byahangayikishije cyane nyina wa Hawa kuko ngo nyuma yo kubyarana na Diamond wamutereranye yahise atwarwa n’ibiyobyabwenge akibera umusinzi maze nyina agasigara amurerera wenyine, cyane ko n’uburwayi bw'impyiko Hawa yari afite yari yarabutewe n'inzoga nyinshi.

Diamond yashimishijwe no kuba Hawa ari guseka ubu yemera kuzamufasha akamuha igishoro