RFL
Kigali

Messi yasabwe gusanga Suarez muri Atletico Madrid

Yanditswe na: SAFARI Garcon
Taliki:29/09/2020 21:56
0


Umuyobozi w'ikipe ya Atletico Madrid yo muri Espagne, Cerezo, yasabye rutahizamu wa FC Barcelona Lionel Messi kuza agasanga inshuti ye Suarez muri Atletico Madrid aheruka gusinyira nyuma yo kujugunywa n'iyi kipe y'i Catalonia.



Cerezo yahaye ikaze Messi muri Atletico Madrid, amusaba guhunga agahinda n'umubabaro yasigaranye i Camp Nou nyuma y'uko inshuti ye magara Luis Suarez ahavuye.

Enrique Cerezo uyobora Atletico Madrid yavuze ko Messi yaza akongera agakinana na Suarez muri iyi kipe niba abyifuza.

Luis Suarez yagaragaje agahinda gakomeye mu cyumweru gishize,  nyuma y'uko Barcelona imugurishije muri Atletico Madrid miliyoni 6 z'ama-Euro.

Suarez winjiye ku rutonde rw'abakinnyi bamaze gutsindira FC Barcelona ibitego byinshi mu mateka yayo, ntiyashimishijwe na gato n'uburyo yayisohotsemo nta cyubahiro na gicye yeretswe.

Nyuma yo gushaka kuva muri Barcelona muri iyi mpeshyi bikanga, Messi yongeye kugaragaza ko atanyuzwe n'imyanzuro y'ubuyobozi bwa Bartomeu nyuma yo gufata icyemezo cyo kurekura Suarez.

Suarez yakinnye Umukino we wa mbere muri Atletico mu mpera z'icyumweru gishize, atsinda ibitego bibiri anatanga umupira wavuyemo igitego.

Nyuma y'uyu mukino umuyobozi wa Atletico Madrid yatangaje ko bakwishimira guha ikaze Messi akaza gufatanya na Suarez.

Yagize ati"Mu buzima niba ushaka ikintu... Niba Lionel Messi ashaka gjkina iruhande rwa Suarez, ndamubwira ngo ni karibu mu muryango, 'mureke aze mu rugo mu byishimo' ahari ubushake byose birashoboka".

Atletico Madrid ifite intego zo gushaka igikombe cya UEFA Champions League muri uyu mwaka w'imikino ndetse n'igikombe cya shampiyona ya Espagne La Liga.

Messi na Suarez bakinanye muri Barcelona igihe kirekire ari inshuti magara

Suarez yatangiye kwitwara neza muri Atletico Madrid





TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND