Amakuru atandukanye avuga ko Donald Trump yarishye umusoro ku nyungu wa leta w'amadolari 750 (716,250 Frw) atarishye mu mwaka wa 2016 yiyamamarijemo kuba Perezida, ndetse no mu mwaka wa mbere ari ku butegetsi ariko Trump yaje kubihakana ko abeshyerwa.
Ikinyamakuru The New York Times cyanditse iyi nkuru
kivuga ko Donald Trump yari arimo ibirarane atarishye. Iki kinyamakuru kivuga
ko cyabonye amakuru ajyanye no kuriha umusoro kwa Bwana Trump ajyanye n'imyaka
20 ishize. Kinavuga ko mu myaka 10 muri 15 ishize, nta musoro ku nyungu na muke
yigeze ariha. Iki kinyamakuru kivuga ko ayo makuru cyabonye agaragaza
"ibihombo by'akarande n'imyaka yo gukwepa imisoro".
Mu nkuru ya BBC, Bwana Trump yavuze ko iyo nkuru ari
"Fake news" ("amakuru y'ibinyoma"). Ikigo cye cy'ubucuruzi
nacyo cyahakanye ayo makuru kivuga ko atari ukuri. Ku cyumweru ubwo iyo nkuru
yari imaze gutangazwa, Bwana Trump yabwiye abanyamakuru ati: "Mu by'ukuri
narishye umusoro, kandi ibyo muzabibona birimo kugenzurwa, bimaze igihe
kirekire bigenzurwa".
Bwana Trump yagiye aregwa mu nkiko kubera kwanga
gutangaza inyandiko zijyanye n'umutungo n'ubucuruzi bwe. Guhera mu myaka ya 1970, ni we Perezida wa mbere wa Leta Zunze Ubumwe za Amerika utaratangaje ku mugaragaro ibijyanye no kuriha
imisoro, n'ubwo ibi nta tegeko ribisaba.
The New York
Times ikomeza ishimangira ko aya makuru ari mu nkuru yayo "yatanzwe
n'abantu bemerewe n'amategeko kuyageraho". Iyi nkuru itangajwe habura
iminsi gusa mbere yuko Bwana Trump, wo mu ishyaka ry'abarepubulikani, ahurira
mu kiganiro mpaka cya mbere n'umudemokarate Joe Biden bahatanye.
TANGA IGITECYEREZO