Mu mpera z’umwaka wa 2019 ni bwo icyorezo cya coronavirus cyadutse mu gihugu cy’u Bushinwa kigenda gikwirakwira ku isi yose. Nyuma y'uko cyadutse kigahitana abatari bacye ndetse kigatera n’igihombo mu bintu byose, ibihugu bitandukanye byatangiye gushaka umuti n’urukingo.
Kuri ubu ishyirahamwe ry'abakora bakanatanga inkingo ku isi
ryitwa COVAX, rigamije gufasha kubona no gukwiza mu buryo budasumbanya inkingo
zingana na doze miliyari ebyiri bitarenze impera za 2021.Ndetse iri
shyirahamwe ryatangaje ko rifite inkingo icyenda zakozwe z'iyi virusi ubu ziri ku rwego
rw'igerageza rya nyuma ku isi.
Ndetse ebyiri muri izo nkingo ziri kugeragerezwa muri
Afurika nk'uko bivugwa na Richard Hatchett ukuriye Coalition for Epidemic
Preparedness Innovations (CEPI). Richard Mihigo ushinzwe porogaramu za OMS muri
Afurika akaba yatangaje ko ibihugu byose 54 bya Afurika byamaze kugaragaza ko
bikeneye urukingo rwa Covid-19.
Ishami ry'umuryango w'abibumbye ryita ku buzima (WHO/OMS) rivuga ko urukingo rwa Covid-19 nirwemezwa ku ikubitiro Afurika izahabwa nibura doze miliyoni 220.
Bakaba bakomeza bavuga ko ku ikubitiro aba mbere bazakingirwa byihutirwa ari abakozi mu nzego z'ubuzima bita ku barwayi hamwe n'amatsinda y'abantu bageramiwe nk'uko Richard Mihigo ushinzwe porogaramu za OMS muri Afurika yabitangaje. Akaba yakomeje atangaza ko gutanga uru rukingo bizashingira ku mubare w'abaturage ba buri gihugu.
Src: BBC
TANGA IGITECYEREZO