Ikipe ya Atletico Madrid yitegura umukino wa ¼ muri UEFA Champions League uzayihuza na Leipzig yo mu Budage, umukino uzabera i Lisbon muri Portugal, babiri mu bakinnyi bayo bakuru basanganwe Coronavirus.
Impuzamashyirahamwe y’umupira w’amaguru i Burayi ‘UEFA’ yategetse ko mbere y’uko hatangira imikino ya ¼ cya Champions League igomba yose kubera i Lisbon muri Portugal, abakinnyi bose bagomba kubanza gupimwa Coronavirus.
Mu itangazo ryasohowe n’ikipe ya Atletico Madrid igomba gukina na Leipzig yo mu Budage kuri uyu wa Kane, rivuga ko babiri muri iyi kipe basanzwemo icyorezo cya Coronavirus, gusa iyi kipe ntiyigeze itangaza niba ari abakinnyi cyangwa se abandi babarizwa muri iyi kipe barimo abatoza, abaganga n’abandi.
Gusa hari amakuru yandi avuga ko nubwo batavuzwe amazina ariko abanduye ari bamwe mu bakinnyi bakuru iyi kipe igenderaho mu kibuga, bikaba byatera icyuho mu gihe yakina na Leipzig itabafite mu mukino wa ¼.
Aba babiri basanzwemo Coronavirus bahise bashyirwa mu kato mu ngo zabo muri Espagne, bikaza gutuma hagomba kongera gukorwa ibindi bizamini ku itsinda rigomba kwerekeza muri Portugal, ndetse bikazanagira ingaruka kuri gahunda y’imyitozo y’iyi kipe.
UKOGAHUNDA Y’IMIKINO YA ¼ MURI UEFA CHAMPIONS LEAGUE ITEYE
Tariki 12/08/2020 Atalanta
vs Paris Saint-Germain
Tariki 13/08/2020 RB Leipzig vs Atletico Madrid
Tariki 14/08/2020 Barcelona vs FC Bayern Munich
Tariki 15/08/2020 Manchester City vs Lyon
Iyi mikino yose ikazajya itangira saa tatu z’ijoro, bijyanye n’amategeko UEFA yashyizeho hazajya hakinwa umukino umwe gusa iwutsinze ihite ikomeza muri ½, nta mikino ibiri izabaho.
Eng
RSS 
Biravugwa ko abanduye Coronavirus muri Atletico Madrid ari abakinnyi basanzwe bayifatiye runini
TANGA IGITECYEREZO