Urwunguko rwa Miliyari $434 mu bakire bo muri Amerika muri iki gihe cya Coranavirus, Elon Musk na Zuckerberg ku isonga

Ku Isi abanyemali batunze agera kuri Miliyari y’amafaranga akoreshwa muri Amerika barangana na 2,095, aba bose harimo abanyamerika bagera kuri 614. Magingo aya abatunzi bo muri Amerika bungutse akayabo kangana na Miliyari $434, muri aba harimo ababonye urwunguko rw’umurengera ku rwego rudasanzwe twavuga nka Jeff Besoz, Mark zuckerberg, Elon Musk na Mackenzie Bezos.

Nubwo kuri uru ruhande rw’abasholamari bari gukorera menshi hari urundi ruhande rw’abakene benshi ndetse n’abadafite ibyo kurya kuko muri Leta Zunze Ubumwe za Amerika mu minsi ishize ni bwo hafashwe icyemezo cyo guha chaque abaturage iriho amafaranga atari macye abafasha mu mibereho yabo ya buri munsi kuko ubuzima bwari buri mu kaga ndetse benshi bageraniwe.

Muri iki gihe cya covid-19 ubucuruzi bwaragabanutse ku bantu bakoraga ibikorwa byabungukiraga kuko bahuye n’abantu cyangwa habayeho ingendo za hato na hato, aha twavuga, abanyamasoko, ubukerarugendo n'ubucuruzi bw’ingendo. Ku rundi ruhande, ba rwiyemeza mirimo bashoye imali mu ikoranabuhanga ryiganjemo imbuga nkoranyambaga, ubucuruzi bukorera kuri murandasi (E-commerce) ni byo biri mu nyungu nyinshi ku rwego rwo hejuru.

Jeff Bezos umukire wa mbere ku Isi akaba nyiri ikigo cya Amazon 

Kuri uru rutonde abasholamali bungutse birenze abandi twavuga nka Jeff Bezos nyiri Amazon usanzwe ari umukire wa mbere ku Isi akaba afite urwunguko rungana na miliyari $35.5, Bwana Mark Zuckerberg nyiri Facebook usanzwe ari umukire wa gatanu ku Isi ariko ubu ari ku mwanya wa kane aho yungutse agera kuri miliyari $25.

Urwunguko rungana na miliyari $341 aba bakire barwungutse mu gihe kingana n'amezi 2 kuva kuri 18 Werurwe 2020 kugeza 19 Gicurasi 2020. Ubukungu bw'abakire b’Amerika bwazamutse ku kigero cya 15%. Ku rwego rw’Isi abakire bose bavuye kuri tiriyali $2.948 bari batunze bagera kuri tiriyali $3.382.

Elon Musk ubutunzi bwe bwiyongereyeho 48% mu mezi abiri, ahita agira umutungo ungana na miliyari $36, Mark Zuckerberg yiyongereyeho 46% akaba yarahise agira miliyari zingana na $86, Mackenzie Bezos wahose ari umugore wa Jeff Bezos nawe yungutse ahita atunga miliyari $48.

Warren Buffet wahombye agera kuri miliyari $20

Ku ruhande rw’abakire ba mbere ku Isi, Bezos yungutse agera miliyari $35.5, Bill Gate yahombye miliyari $4.3, naho Warren Buffett yahombye Miliyari $20. Iki gihombo cya Warren Buffett ni imwe mu ngingo zigenderwaho mu bituma benshi bashimangira ko abakire bafite imari zitandukanye n’ikoranabuhanga bagiye kujya mu kangaratete muri iki gihe Isi yugarijwe na Covid-19.

Urutonde rw’abakire 5 ba mbere Ku Isi

1.      Jeff Bezos-Miliyari $146.9

2.      Bill Gates- Miliyari $106.5

3.      Bernard Arnault- Miliyari $94.1

4.      Mark Zuckerberg- Miliyari $86.5

5.      Warren Buffett- Miliyari $69.2

Src: cnbc.com,Forbes