RFL
Kigali

Cristiano Ronaldo wari werekeje mu Butaliyani gufasha bagenzi be imyitozo, indege ye yabujijwe guhaguruka muri Espagne

Yanditswe na: SAFARI Garcon
Taliki:4/05/2020 22:59
0


Indege ya Rutahizamu w’ikipe ya Juventus de Turin n’ikipe y’igihugu ya Portugal, Cristiano Ronaldo, yabujijwe guhaguruka mu Mujyi wa Madrid muri Espagne kubera amabwiriza abuza ingendo yashyizweho muri iki gihugu kubera Coronavirus, bituma abura uburyo bwo kugera mu Butaliyani gufasha bagenzi be imyitozo yasubukuwe none ku wa mbere.



Cristiano Ronaldo uri iwabo muri Portugal, akeneye gusubira mu Butaliyani kugira ngo asubukure imyitozo kuri uyu wa Mbere hamwe na bagenzi be.

Cristiano Ronaldo yabangamiwe bikomeye n’amabwiriza y’ingendo yashyizweho n’igihugu cya Espagne muri ibi bihe byo kwirinda ikwirakwira rya COVID-19 bituma abura uko asubira mu myitozo ya Juventus yagombaga gutangira kuri uyu wa mbere.

Indege ya Cristiano Ronaldo yo mu bwoko bwa G650 Gulfstream yaguze akayabo ka miliyoni 30 y’amapawundi, imaze iminsi iri mu mujyi wa Madrid muri Espagne bikaba byatumye asubika urugendo rwo gusubira mu Butaliyani.

Ikinyamakuru TVI cyatangaje ko iyi ndege ya Cristiano Ronaldo yagerageje guhaguruka ubugira 3 ariko ibuzwa kurenga ku kibuga cy’indege cyo mu mujyi wa Madrid.

Iyi ndege ya Cristiano Ronaldo itwara abagenzi 18 ndetse ngo igenda ku muvuduko wa km 981 mu isaha.

Cristiano Ronaldo ari mu bakinnyi ba Juventus bahawe uruhushya rwo kwitahira iwabo nyuma y’uko ibikorwa by;imikino  mu Butaliyani bihagaritswe kubera icyorezo cya Coronavirus.

Leta y’u Butaliyani iherutse kwemerera abakinnyi gukora imyitozo umukinnyi ku giti cye guhera tariki ya 4 Gicurasi 2020, mu gihe bazatangira gukorera hamwe mu matsinda nk’ikipe guhera tariki ya 18 Gicurasi 2020, nyuma hakazasohoka itangazo ryemerera shampiyona gusubukura, aho bivugwa ko ishobora gusubukurwa mu kwezi gutaha kwa Kamena.

Indege ya Cristiano yabujijwe guhaguruka muri Espagne






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND