Messi yahigitse Cristiano aza ku mwanya wa mbere mu bakinnyi binjije agatubutse ku Isi muri 2019 - AMAFOTO

Lionel Messi yahigitse rutahizamu ukomoka muri Portugal Cristiano Ronaldo wakundaga kuza mu mwanya wa mbere mu myaka yashize kuko kuri ubu yaje inyuma ya Messi ku mwanya wa Kabiri.

Amafaranga Messi yinjije muri 2019, ahanini yaturutse ku mushahara uri hejuru ahembwa muri FC Barcelone, uduhimbazamusyi, kwamamariza amakompanyi akomeye, ubucuruzi bwe ndetse n’ibindi bitandukanye.

Uyu munya Argentine w’imyaka 32 y’amavuko, muri 2019 yinjije Miliyoni 120 z’amapound akaba  akurikiwe na Cristiano Ronaldo wa Juventus we winjije akayabo ka miliyoni 109, mu gihe umunya-Brazil  Neymar Jr aza ku mwanya wa gatatu akaba yarinjije Miliyoni 87 z’amapound.

Cristiano na Messi nibo bakinnyi ba ruhago bonyine babashije kwinjiza arenga miliyoni 100 muri 2019. Raheem Sterling niwe mwongereza rukumbi uri kuri uru rutonde ndetse ni nawe ukina muri Premier League ururiho, akaba ari ku mwanya wa munani aho yinjije miliyoni 30.96 z’amapound.

Kylian Mbappe niwe mukinnyi  wa mbere uhenze ku Isi, kuko abarirwa igiciro cya miliyoni 189 z’amapound.

Urutonde rw'abakinnyi 10 ba mbere binjije akayabo muri 2019

Abakinnyi 10 ba mbere bahenze ku Isi

Messi yinjije Miliyoni 120 z'amapound muri 2018

Cristiano Ronaldo aza ku mwanya wa kabiri mu bakinnyi binjije amafaranga menshi ku Isi muri 2019