Ahabanza Imikino

CAF CL&CC: Uko tombola yagenze muri ¼

Yanditswe na: SAFARI Garcon
Taliki:6/02/2020 11:04 0

Mu ijoro ryo kuri uyu wa gatatu Tariki 05 Gashyantare 2020, i Cairo mu Misiri habereye Tombola ya ¼ mu mikino nyafurika ku makipe yabaye aya mbere iwayo CAF Champions League no mu irushanwa ry’amakipe yatwaye ibikombe iwayo CAF Confederations Cup, ibigugu byatomboranye bigomba kwisobanura uzegukana igikombe muri Gicurasi.

Uyu mwaka ntabwo usanzwe, kuko ibintu byahinduye isura mu mikino ya 1/4 cya CAF Champions League kuko amakipe yose yageze muri 1/4 yose yagize amahirwe yo gutwara iki gikombe.

Harimo imikino ikomeye cyane muri ¼ mu marushanwa yombi cyane cyane mu irushanwa ry’amakipe yabaye a ya mbere iwayo, CAF Champions League.

AL Ahly izahura na Mamelodi Sundowns hanyuma izarokoka izahura muri 1/2 n’izarakoka hagati ya Wydad Casablanca na Etoile du sahel zatomboranye.

Ikipe ya Zamalek yatomboye Espérance de Tunis hanyuma izarokoka izahura muri 1/2 n’iyakomeje hagati ya Raja Casablanca na TP Mazembe

v Al Ahly (Egypte) vs Mamelodi Sundowns (Afrique du Sud)

v Raja Casablanca (Maroc) vs TP Mazembe (RD Congo)

v Zamalek (Egypte) vs Esperance Tunis (Tunisie)

v Wydad Casablanca (Maroc) vs Etoile du Sahel (Tunisie)

Imikino ibanza izaba kuya 28 n’iya 29 Gashyantare 2020 iyo kwishyura ibe kuya 6 n’iya 07 Werurwe 2020.

Muri CAF Confederation Cup, naho harimo imikino ikomeye cyane.

RS Berkane yatsindiwe ku mukino wa nyuma na Zamalek umwaka ushize, izesurana na Al Masry yo mu Misiri.

Horoya AC yo muri Guina ihabwa amahirwe yo kwitwara neza muri iri rushanwa izahura na Enyimba FC yo muri Nigeria.

Ikipe ya Zanaco yo muri Zambia izahura na Pyramids yo mu Misiri ihabwa amahirwe yo kwegukana iri rushanwa, kuko aho bigeze magingo aya ntiratsindwa umukino n’umwe muri iri rushanwa.

Hassania Agadir yo muri Maroc izacakirana na Al Nasr yo muri Libya.

v Zanaco (Zambie) vs Pyramids (Egypte)

v Al Nasr (Libye) vs Hassania Agadir (Maroc)

v Al Masry (Egypte) vs RS Berkane (Maroc)

v Enyimba (Nigéria) vs Horoya (Guinée)

Imikino ibanza izaba tariki ya 1 Werurwe uyu mwaka, imikino yo kwishyura ibe tariki ya 8 Werurwe.

Inzira amakipe azanyuramo kugira ngo yegukane CAF Champions League