RFL
Kigali

Valleyball: Gisagara VC yatunguye REG VC iyitsinda mu mukino w’injyanamuntu

Yanditswe na: SAFARI Garcon
Taliki:19/01/2020 17:22
0

Ku mugoroba w’uyu wa Gatandatu tariki 18 Mutarama 2020 nibwo hasozwaga imikino ibanza ya shampiyona ya Volleyball mu Rwanda, ikipe ya Gisagara VC yatsinze REG VC amaseti 3-2 mu mukino wari ukomeye cyane.



Bigoranye Gisagara VC yatsinze RE VC seti 3-2, mu mukino w'umunsi wa Gatanu muri shampiyona, byasabye ko hitabazwa iseti ya kamarampaka kugira ngo hagaragare uwegukana intsinzi, bituma REG VC itshindwa umukino wa mbere mu mikino itanu iheruka gukina.

Amakipe yombi yaherukaga guhura muri Shampiyona, mu mikino ya Playoffs y’umwaka ushize w’imikino ndetse no mu mikino ibanza ya Shampiyona y’uyu mwaka, aho REG VC yatsinze Gisagara muri iyo mikino.

Gisagara VC yatsinze iseti ya mbere bigoranye ku manota 25-23 mu gihe REG VC yayihindukanye, iyitsinda iya kabiri muri ubu buryo, ku manota 26-24.

REG VC itari yarigeze itsindwa mu mikino ine yaherukaga gukina, yatsinze iseti ya gatatu ku manota 26-24, ariko igorwa n’iya kane yashoboraga kurangiza umukino, itsindwa na Gisagara VC ku manota 25-22.

Kunganya amaseti 2-2, byatumye hitabazwa iseti ya gatanu ya kamarampaka, yatsinzwe na Gisagara VC bitayigoye, ku manota 15-5.

Mu yindi mikino yabaye kuri uyu wa Gatandatu, IPRC Ngoma yari yakiriye Kirehe VC, iyitsinda amaseti 3-1 (22-25, 25-23, 25-15 na 25-17) mu gihe UTB VC yatsinze APR VC amaseti 3-1 (25-20, 19-25, 25-18, 25-23).

REG VC niyo iyoboye urutonde rwa Shampiyona n’amanota 12, ikurikiwe na APR VC ifite amanota icyenda, Gisagara VC ifite amanota umunani ku mwanya wa kane.


Gisagara VC yihimuye kiri REG VC yari imaze igihe iyitsinda


REG VC yananiwe kwikura imbere ya Gisagara VC itsindwa umukino wayo wa mnbere






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND