RFL
Kigali

Tom Close, Miss Igisabo mu bagize Akanama Nkemurampaka k’irushanwa Miss Career Africa

Yanditswe na: Janvier Iyamuremye
Taliki:9/12/2019 8:40
0


Dr Muyombo Thomas uzwi mu muziki ku izina rya Tom Close, Miss Uwase Hirwa Honorine [Miss Igisabo] n’abandi bashyizwe mu Kanama Nkemurampaka k’irushanwa rya Miss Career Africa, rizasozwa kuwa 13 Ukuboza 2019 mu birori bizabera muri Camp Kigali.



Kuri uyu wa kabiri tariki 10 Ukuboza kugeza tariki 13 Ukuboza 2019, abakobwa 30 bahataniye ikamba rya Miss Career Africa barajya mu mwiherero (Boot Camp) uzabera ku mbuto z’amahoro kuri Lac Muhazi uzasozwa hamenyekana umukobwa wegukanye ikamba n’ibisonga bye.

Abategura iri rushanwa batangaje Akanama Nkemurampaka kazifashishwa mu guhitamo umukobwa ukwiye ikamba. Abakobwa bahataniye ikamba ni abo mu bihugu bigize Akarere k’Afurika y’Iburasirazuba.

Akanama Nkemurampaka kagizwe na Tom Close, Miss Igisabo, Dr. Mercy Ngunjiri, Dr. Fidele Rubagumya, Dr. Achille Manirakiza, Karen Bugingo, Yvonne Umulisa na Muragwa Cheez.

Tom Close ni we muyobozi w’aka kanama Nkemurampaka k’irushanwa rya Miss Career Africa. Ni umunyamuziki akaba n’umuganga ubimazemo igihe. Yegukanye igihembo cy’umuhanzi mwiza [Best Artist] mu irushanwa ryateguwe na Kaminuza y’u Rwanda muri 2008.

Yegukanye ibihembo bya Salax Awards muri 2009, 2010 na 2011. Yaciye agahigo ko kwegukana irushanwa ry'umuziki rya Primus Guma Guma Super Stars ku nshuro ya Mbere muri 2011.

Yanditse ibitabo bitandukanye byifashishwa n’abana byashyizwe mu isomero harimo nka ‘Inka yanjye’, ‘Nkunda u Rwanda’ na ‘Isuka yanjye’. Ni umuhanzi waguye igikundiro cye binyuze mu ndirimbo nka ‘Sinzigera nkureka’, ‘Ndakubona’, ‘Ntibanyurwa’, ‘Impamvu’ n’izindi.

Nyampinga Uwase Hirwa Honorine wamamaye nka Miss Igisabo, yambitswe ikamba ry’umukobwa ukunzwe mu irushanwa rya Miss Rwanda 2017 [Miss Popularity]. Yaserukiye u Rwanda mu irushanwa rya Miss Earth 2017 ryabereye muri Phillipines aho ikamba ryegukanwe na Karen Ibasco wo muri Phillipines.

Kuwa 05 Ukuboza 2019, Miss Igisabo yambitswe ikamba rya Nyampinga ukoresha imbuga nkoranyambaga kurusha abandi mu bihembo bya Smart Service Awards.

Dr. Mecy Ngunjiri ni umushakashatsi ukora mu kigo cya ‘International Fertilizer Development Center’ mu Mujyi wa Nairobi muri Kenya. Afite impamyabumenyi y’icyiciro cya Gatatu yakuye muri Kaminuza ya Eldoret na Dogitora yakuye muri Purdue University. Yifitemo guharanira no guteza imbere umwana w’umukobwa ku mugabane wa Afurika.

Dr. Fidel Rubagumya ni umuganga mu bitaro bya Gisirikare i Kanombe n’ibitaro byitiriwe umwami Faisal (KFH). Yigisha muri Kaminuza ya Global Health Equity akaba ari n’umwe mu bashinze ‘Rwanda Children’s Cancer Relief’. Afite impamyabumenyi y’icyiciro cya Gatatu yakuye muri Muhimbili University of Health.

Dr. Achille Manirakiza ni Umukozi mu bitaro bya Gisirikare i Kanombe no mu bitaro byitiriwe Umwami Faisal (KFH). Nawe ari mu bashinze ikigo ‘Rwanda Children’s Cancer Relief’.

Karen Bugingo ni umunyarwandakazi w’umwanditsi unaherutse gusohora igitabo yise “My Name is Life”. Ni umwe mu bazi kuvugira mu ruhame ushishikariza kenshi abantu gushikama muri buri kintu cyose bagezemo kuko bikangura kandi bigategura ejo heza hazaza. Abandi bari muri aka kanama Nkemurampaka ni Yvonne Umulisa na Muragwa Cheez.

Abanyarwandakazi bahataniye ikamba rya Miss Career Africa ni Mukamwiza Yvette, Musekamakweli Delphine, Iradukunda Faustine, Uwihirwe Roselyne, Uwingeneye Frida, Ishimwe Gaella, Mpano Umuhumuriza Yvonne, Rutayisire Alice Lambert, Umulisa Rose Marry.

Amahoro Mireille Chadia, Umutoni Grace, Uwinema Diana, Umulisa Solange, Manzi Muneza Assoumer Redempta, Munsabe Sheillah, Ruzindana Wendy Ornella, Mutesi Celine, Mazimpaka Christelle, Uwimana Martine, Umutoni Ange, Igihozo Mireille na Uwizeye Jeannette.

Abo mu Burundi ni Munezero Ornella, Kundusenge Ritha Marie Ange, Habonimana Hyacinthe na Nivyumuremyi Emmanuella. Umunya-Uganda ni Baluubu Jaliyah. Umunya-Repubulika Iharanira Demokarasi ya Congo (RDC) ni Fundiko Elysee, Umunya-Kenya ni Otieno Josephine naho umunya-Sudan Mona Ibrahim.

Tom Close ni we Muyobozi w'Akanama Nkemurampaka k'irushanwa Miss Career Africa

Miss Igisabo mu Kanama Nkemurampaka kazemeza umukobwa wegukana ikamba rya Miss Career Africa 2019

Umuhanzi Bruce Melodie azaririmba mu birori byo guhitamo Miss Career Africa bizaba kuwa 13 Ukuboza 2019 muri Kigali Conference and Exhibition Village (KCEV) ahazwi nka Camp Kigali






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND