Ikipe ya Misiri y'abangavu batarengeje imyaka 16 bageze muri 1/2 cy'irangiza batsinze Tanzania amanota 88 - 41 mu mukino wa 1/4 cy'irangiza wakinwaga ku gicamunsi cy'uyu wa Kane tariki ya 1 Kanama 2019 kuri sitade nto ya Remera.
Lojain Elfatairy (10) na Faridah Youssef (33) buri umwe yatsinze amanota 18 bafasha Misiri kugera muri 1/2 cy'irangiza batsinze Tanzania amanota 88-41 (13-7, 29-17, 16-11 na 30-6).
Faridah Youssef (33) yatsinze amanota 18 mu mukino
Lojain Elfatairy (10) nawe yatsinze amanota 18
Catherine Mollel (14) wa Tanzania ni we wabashije kuza hafi agira amanota 11, Anna Mollel (12) atsinda amanota umunani (8) kimwe na Nelious Mbugeni (8) nawe watsinze amanota umunani (8) mu mukino.
Wari umukino wahuzaga Misiri yabaye iya kabiri mu itsinda rya kabiri (B) mu gihe Tanzania yari yasoje imikino yo mu matsinda iri ku mwanya wa gatatu imbere y'u Rwanda rwakiriye iyi mikino kuva ku Cyumweru tariki 28 Nyakanga 2019.
Misiri ikaba yageze ku muri 1/2 aho yasanze Angola yazamutse iyoboye itsinda rya mbere (A) ariko ikabura iyo bikina muri 1/4 kuko South Africa itaje muri iri rushanwa ariko ikomeza kubarirwa amanota bityo irangiza ari iya nyuma mu itsinda rya kabiri (B).
Misiri iracakirana na Angola kuri uyu wa Gatanu (17h00') bakina umukino wa 1/2
Indirimbo yubahiriza igihugu cya Tanzania
Laizer Nadjiri (11) wa Tanzania ahana ikosa
Mbugeni Nelious (8) wa Tanzania yatsinze amanota umunani (8) ahwanye na nimero imuranga
Tanzania yari yabaye iya gatatu mu itsinda rya mbere (A) imbere y'u Rwanda
Tanzania yahuye n'abakinnyi ba Misiri bafite imbaraga kuko aha Lojain Elfatairy (10) watsinze amanota 18 yashakaga inzira
Tanzania bagerageza kugarira
Misiri iracakirana na Angola kuri uyu wa Gatanu (17h00')
Angola baruhutse imikino ya 1/4
Misiri igomba guhangana na Angola mu mukino utoroshye
PHOTOS: Saddam MIHIGO
Eng
RSS 
TANGA IGITECYEREZO