Mu rucyerera rw’uyu wa Kane tariki ya 6 Kamena 2019 ubwo hakinwaga umukino wa gatatu wa playoffs muri shampiyona ya Basketball muri NBA, Toronto Raptors yatsinze Golden State Warriors amanota 123-109.
Wari umukino
wa kabiri Toronto Raptors itsinda Golden State Warriors kuko yayitsinze ku
munsi wa mbere, GSW iza kwishyura mbere yuko mu mukino wa gatatu Toronto
yagaruye icyubahiro yatangiranye itsinda amanota 123-109 (36-29, 24-23, 36-31
na 27-26).
Muri uyu
mukino, Stephen Curry wa Golden State Warriors yatsinze amanota 47, amanota
menshi agize nyuma yuko aheruka gutsinda amanota menshi muri Playoffs tariki ya
6 Kamena 2013 bakina na San Antonio Spurs akayinjiza amanota 44.
Stephen Curry wa GSW yatsinze amanota 44 n'ubwo ikipe ye yatsinzwe
Toronto
Raptors yari ifite amahirwe ko abakinnyi bahirwa no gutera imipira ibyara
amanota atatu kuko babikoze inshuro 17 bibahira. Iyi kipe yahise iza mu makipe
yakoze ibi bintu kuko Cleveland Cavaliers yabikoze inshuro 24 mu gihe Golden
State Warriors yabikoze mu 2017 igakora 18.
Wari umukino nta kipe yifuzaga gutakaza kuko nta yindi mibare ihari ibarengera
Kawhi
Leonard wa Toronto Raptors yatsinze amanota 30 muri uyu mukino mbere yo
kuzakira umukino wa kane uzakinwa tariki ya 8 Kamena 2019 mbere yuko bakina uwa
gatanu tariki 11 Kamena 2019. Muri iri rushanwa bisaba ko ikipe itanga indi gutsinda imikino ine (4).
Toronto Raptors imaze gutsinda imikino ibiri muri itatu
Umukino
uheruka, GSW yatsinze Toronto Raptors amanota 109-104 kuko yishyuraga umukino
wa mbere yatsinzwe amanota 118-109.
Eng
RSS 
TANGA IGITECYEREZO