Mazimpaka Andre umunyezamu akaba umwe mu bakinnyi bashya bari muri Rayon Sports ni we wahembwe nk’umukinnyi witwaye neza muri iyi kipe muri Gashyantare 2019 nyuma yo gutorwa n’abafana ku mbuga za interineti ya March’Generation Fan Club na SKOL.
Mazimpaka
yageze muri Rayon Sports avuye muri Musanze FC aho kuri ubu amaze gukina imikino icumi (10) akaba muri iyi mikino yarabashije
kumara imikino umunani (8) atarinjizwa igitego (Clean Sheet) mu gihe indi ibiri
yinjijwe.
Mazimpaka wamaze gufata umwanya wa mbere mu izamu rya Rayon Sports, yatwaye iki gihembo atsinze Niyonzima Olivier Sefu na Habimana Hussein myugariro nawe uri mu bakinnyi bashya muri Rayon Sports.
Amaze gushyikirizwa igihembo cya Mutarama 2019, Mazimpaka Andre yashimye abateguye iki gikorwa aribo March’Generation Fan Club n’uruganda rwa SKOL, abaterankunga bakuru b’ikipe ya Rayon Sports, abayobozi, abakinnyi bakinana n’abafana ba Rayon Sports muri rusange.
“Ndishimye
cyane kuko mbonye ko ibyo nkora abafana ba Rayon Sports babiha agaciro.
Ndashima abateguye iki gikorwa kandi nkanashima abayobozi ba Rayon Sports,
abafana na bagenzi banjye dukinana muri Rayon Sports kuko iki gihembo ari
icyacu twese muri rusange”. Mazimpaka
Umukinnyi
uhawe iki gihembo ahabwa ibahasha iba irimo ibihumbi ijana by’amafaranga y’u
Rwanda (100,000 FRW), agahabwa ibirango bya SKOL na March’Generation.
Iyi gahunda
yazanywe bwa mbere n’itsinda ry’abafana ba Rayon Sports rihuza abibumbiye mu
cyo bise March’Generation Fan Club. Nyuma nibwo baje kwihuza n’uruganda rwa
SKOL muri gahunda yo kugira ngo igikorwa kigire ingufu n’agaciro kisumbuyeho.
Abafana ba Ratyon Sports mu itangwa ry'igihembo
PHOTOS: IRADUKUNDA Desanjo (Inyarwanda.com)
Eng
RSS 
TANGA IGITECYEREZO