Eesam ni umusore ukiri muto wafashaga Ama G The Black ku rubyiniro muri 2013, icyakora nyuma y’igihe gito yatangiye kubona ko ibyo afasha uyu muraperi nawe yabyikorera. Ibi byatumye afata icyemezo cyo gukora ibyo yabonaga Ama G akora cyane ko impano ya muzika yayiyumvagamo na mbere hose.
Eesam yadutangarije ko amaze imyaka itanu atangiye gukora umuziki ku giti cye kandi Ama G The Black ngo ni umwe mu bamubaye hafi. Eesam yatangarije Inyarwanda.com ko mu gihe amaze mu muziki asanga hari intambwe ari kugenda atera, icyakora yatangaje ko ku bwe ibintu akunda kubitwara gahoro gahoro. Atangaza ko uyu mwaka wa 2019 ari umwaka afitemo ibikorwa byinshi byiganjemo indirimbo zinyuranye agomba gushyira hanze.
Eesam umuhanzi w'umunyarwanda
Eesam yamenyekanye cyane mu ndirimbo nka “Make me super star yakoranye na Jay Polly na Ama G The Black, Ibitendo yakoranye na Mr Kagame, Windiza yakoranye na Mico The Best kimwe n’izindi nyinshi yagiye akora.”Eesam yatangaje ko nk’umuhanzi ukizamuka ntacyo ashinja itangazamakuru ryo mu Rwanda ahubwo atangaza ko we ari gushaka uko yakora ibintu byiza bizamufasha kuba icyamamare.
REBA HANO IKIGANIRO TWAGIRANYE NA EESAM UMUHANZI UKIZAMUKAWATANGIYE AFASHA AMA G THE BLACK KU RUBYINIRO
Eng
RSS 
TANGA IGITECYEREZO