Itorero Healing center church ryishyuriye mituweli abantu ijana (100) batishoboye bo mu ntara y'Iburasirazuba mu karere ka Nyagatare umurenge wa Nyagatare mu kagari ka Ryabega.
Ni igikorwa cyateguwe n'itsinda ry'aba mama b'iri torero bakuriwe
na Odeth Umurerwa wanatangaje ko ari ibikorwa ngaruka mwaka iri torero risanzwe
rikora byo gufasha abantu batishoboye n'abandi bafite ibibazo bitandukanye
biturutse mu bwitange n'urukundo abakristo b'iri torero bagira.
Iki gikorwa cy'urukundo cyabaye ku Cyumweru tariki 17 Gashyantare 2019 kibera mu murenge wa Nyagatare iri torero risanzwe rifitemo ishami. Cyitabiriwe n'abayobozi ba leta batandukanye n'abaturage bo muri ako gace hamwe n'itsinda ry'abamama ryaturutse i Kigali ku cyicaro gikuru cy'uru rusengero.
Umunyamabanga Nshingwabikorwa w'umurenge wa Nyagatare wari witabiriye iki gikorwa ari nawe
wakiriye iyo nkunga yashimiye iri torero muri rusange ku bw'icyo gikorwa kiza
bakoze ababwira ko ari byiza dore ko binihutisha gahunda za leta kandi anabizeza ko
bizakorwa neza iyo nkunga igashyikirizwa abo igomba guhabwa.
Umunyamabanga Nshingwabikorwa w'umurenge wa Nyagatare
Uhagarariye aba mama muri Healing center church Odeth Umurerwa yashimiye ubuyobozi bwitorero ko babaha
amahirwe yo gusohoka bakajya kuvuga ubutumwa banafasha abantu. Yanavuze kdi ko ari inshingano za buri mu Christo gufasha
abababaye.
Batanze inkunga yo gufasha abatishoboye 100
Odeth Umurerwa ukuriye aba mama bateguye iki gikorwa
Eng
RSS 
TANGA IGITECYEREZO