Abakinnyi ba Kiyovu Sport banze gukomeza imyitozo bari bamaze iminsi batangiye-AMAFOTO

Mu gitondo cy’uyu wa Kabiri tariki ya 4 Nzeli 2018, imyitozo ya Kiyovu Sport yari gutangira saa mbili n’iminota 30 (08h30’). Gusa Cassa Mbungo Andre n’abatoza bamwungirije bose bageze ku kibuga cya Mumena bategereza abakinnyi barababura.

Nyuma yo gutegereza iminota irenga 30’ nta mukinnyi wa Kiyovu Sport babona hafi usibye Habamahoro Vincent ukina hagati nawe wahageze agahita yitahira, Cassa Mbungo Andre yafashe umwanzuro wo kwitoreza abakinnyi bakiri bato baba bari ku kibuga cya Mumena ndetse n’abakinnyi baba bashaka amakipe bityo anareba ko hari abo yazifashisha muri Kiyovu Sport y’umwaka utaha.

Abatoza ba Kiyovu Sport bategereje abakinnyi

Kiyovu Sport yarangije ku mwanya wa gatanu muri shampiyona 2017-2018, gusa kuri ubu ikaba irimo ikibazo cy’uko abakinnyi n’abatoza bayo bababereyemo ibirarane by’imishahara y’amezi arenga atatu. Abakinnyi ba Kiyovu Sport barabaza ibirarane by’amezi atatu batahembwe mbere yuko shampiyona irangira mu gihe abatoza babaza amezi ane (4).

Cassa Mbungo Andre avuga ko nubwo abakinnyi batitabiriye akazi we azakomeza kuza ku kibuga akahamara amasaha n’ubundi imyitozo imara kugeza igihe ikibazo abakinnyi bafite kizarangirira bakaza kuko ngo gahunda bari bayizi.

“Gahunda bari bayizi kuko twatangiye imyitozo kuwa Gatatu, abakinnyi nababuze. N’ejo nzagaruka ndebe ko baza dukore”. Cassa Mbungo

Cassa Mbungo Andre umutoza mukuru wa Kiyovu Sport avuga kp azakomeza kwitabira akazi nubwo abakinnyi bazakomeza kubura

Uva ibumoso: Mutarambirwa Djabil , Cassa Mbungo Andre, Kirasa Eric na Rachid umutoza w'abanyezamu

Abatoza ba Kiyovu Sport bayobowe na Cassa Mbungo Andre bahise begeranya abakinnyi bari bari ku kibuga cya Mumena barabatoza

Habihirwe Arstide warangije amasezerano muri Mukura VS arashaka amahirwe muri SC Kiyovu

Habamahoro Vincent undi mukinnyi umaze kwigaragaza hagati mu kibuga  yageze mu kibuga arongera arataha

Cassa Mbungo Andre yahise atangiza imyitozo y'abakinnyi badafite amakipe 

Ishimwe Patrick warangizanyije na AS Muhanga nawe nta kipe afite yabera mu izamu

Umwaka ushize w'imikino Kiyovu Sport yari yatangiranye ingufu utamenya aho zagiye uyu mwaka 

PHOTOS: Saddam MIHIGO (Inyarwanda.com)