Rutahizamu ukomoka mu Burundi, Bimenyimana Bonfils Caleb wamenyekanye akina muri Rayon Sports yerekeje muri Algeria mu ikipe ya USM Alger nyuma y'igihe gito atandukanye na FC Zob Ahan yo muri Iran.
Uyu rutahizamu yasinyiye USM Alger amasezerano y'umwaka umwe. Mu Cyumweru gishize ni bwo yari yatangaje ko yatandukanye n'ikipe ya FC Zob Ahan yo muri Iran.
Caleb ni we wasabye gutandukana n’iyi kipe yari yaragezemo mu kwezi kwa 11 k'umwaka ushize nyuma yuko yari imufitiye ibirarane by'umushahara w'amezi 3.
Bimenyimana Bonfils Caleb yakiniye Rayon Sports hagati ya 2017 na 2019 ndetse ari na ho yamenyekaniye cyane nyuma akomereza mu yandi makipe yo ku mugabane w'Iburayi kugeza agarutse muri Afurika ajya muri Kaizer Chiefs yo muri Afurika y'Epfo ahakina umwaka umwe abona kujya muri Al Ahly Benghazi yo muri Libya.
Ubwo yakiniraga Rayon Sports, Bimenyimana Bonfils Caleb ari mu bakinnyi bayifashije kugera muri ¼ cya CAF Confederations Cup cyane ko yasoje iryo rushanwa afite ibitego 5 muri 2019.
USM Alger yerekejemo iheruka gukatisha itike ya 1/4 cya Confederation Cup aho yarangije itsinda yarimo iri ku mwanya wa mbere.
Bimenyimana Bonfils-Caleb yerekeje muri USM Alger
Eng
RSS 
TANGA IGITECYEREZO