Ahabanza Iyobokamana

Korali Shalom yagiye muri Kigali Convention Centre ifite ubwoba bwinshi ihakorera igitaramo gikomeye-AMAFOTO

Yanditswe na: Mupende Gedeon Ndayishimiye
Taliki:13/08/2018 18:47 7

Kuri iki Cyumweru tariki 12/08/2018 korali Shalom yo muri ADEPR Nyarugenge yakoreye igitaramo gikomeye muri Kigali Convention Center aho yari kumwe na Alex Dusabe na Ntora Worship Team. Aba baririmbyi batunguwe cyane dore ko binjiye muri iyi hoteli bafite ubwoba bwinshi.

Ni igitaramo bise 'Imbere ni heza live concert' cyari gifite insanganyamatsiko igira iti: "Nta teka tugiciriweho" (Abaroma 8:1). Kwinjira byari ukugura DVD iriho indirimbo zabo nshya z'amashusho. Iyo DVD yaguraga amafaranga ibihumbi bitanu (5,000Frw), icyakora umuntu utari ufite ayo mafaranga baramurekaga akinjira.

Shalom choir nta kibazo na kimwe ifite cy'imyambaro y'abaririmbyi,..'bikorwa n'amafaranga n'umutima utanga'

Abitabiriye iki gitaramo bizihiwe bikomeye mu muziki w'umwimerere bacurangiwe na korali Shalom. Usibye kuryoherwa bidasanzwe n'umuziki wa korali Shalom, bamwe mu bitabiriye iki gitaramo, bateye ibuye rimwe bica inyoni ebyiri dore ko babyungukiyemo bagatembera ku buntu inyubako ya Kigali Convention Center, bamwe muri bo bakifotoreza kuri iyi nyubako ya mafoto aharawe ubu ya 'Selfie'.

Uyu mubyeyi yizihiwe bikomeye, ...Yesu ni sawa wa mugani wa B4A

Korali Shalom yari ifite ubwoba ko iri bubure abantu na cyane ko ibitaramo bibera mu mahoteli akomeye bitamenyerewe cyane muri ADEPR. Ikindi cyari kibateye ubwoba ni uko kwinjira byari ukwishyura (kugura DVD), ibi nabyo bikaba bitavugwaho rumwe muri ADEPR. Hari n'amakuru avuga ko hari abakristo ba ADEPR badakunda kwitabira ibitaramo byo muri hoteli zikomeye kubera imyemerere yabo aho babifata nko kwibonekeza, kwishyira hejuru n'ubuyobe. Gusa hari n'abandi bavuga ko iki ari igihe cy'impinduka aho abakristo ba ADEPR ngo bakwiriye kujyana n'iterambere bakanagira uruhare mu iterambere ry'abahanzi n'abaririmbyi bo muri ADEPR n'abandi bahimbaza Imana.

Abaririmbyi ba Shalom choir bahagiriye ibihe byiza cyane

Mu gitaramo korali Shalom yakoreye muri Kigali Convention Center yaje kubona abantu n'ubwo batari benshi ku rwego rwo hejuru dore ko urebeye inyuma wabonaga imyanya iticawemo yari myinshi. Ugereranyije muri iki gitarmo hari harimo abantu bagera ku bihumbi bibiri. Ibi byatunguye cyane Shalom choir, ihereza Imana icyubahiro. Si ubwitabire gusa bwashimishije aba baririmbyi, ahubwo bananejejwe no kuba abitabiriye iki bitaramo cyabo basabanye n'Imana mu buryo bukomeye binyuze mu ndirimbo zabo (za Shalom).

Barashima Imana yabahaye abantu benshi,...ngo byabarenze

Nzeyimana Samuel umuyobozi w'indirimbo muri korali Shalom aganira na Inyarwanda.com nyuma y'igitaramo bakoreye muri Kigali Convention Center yavuze ko bari bafite ubwoba bwinshi mbere y'uko bakora igitaramo. Ngo bumvaga batari buze kubona abantu. Ubwitabire bw'abantu babonye, bwashimishije cyane korali Shalom ndetse abayobozi bayo bavuga ko nta kindi barenzaho. Nzeyimana Samuel yagize ati:

Ewana kabisa nkubwije ukuri twari dufite ubwoba ko abantu bataza kubera kwishyuza ariko pe natunguwe no kubona haza abantu benshi sana. Ntacyo narenzaho kabisa byari bishimishije cyane pe.

Nzeyimana Samuel umuyobozi w'indirimbo muri korali Shalom

Korali Shalom yashinzwe mu mwaka wa 1986 itangira ari korali y’abana bato. Iyi korali igitangira yitwaga korali Umunezero. Icyo gihe muri ADEPR Nyarugenge hari korali nkuru imwe ariyo Hoziyana. Mu mpera za 2016, Korali Shalom yamuritse umuzingo wa mbere w’indirimbo z’amajwi n’amashusho. Mu 1986, ubwo abari bayigize bari bafite imyaka iri hagati ya 15-17 yaje kuba korali y’urubyiruko, icyo gihe mu Gakinjiro haza indi korali yitwaga korali Cyahafi kuri ubu yitwa Baraka ari nayo yahise iba iya kabiri. Mu 1990 baje kwemererwa n'itorero ryabo kwitwa izina, bahita biyita Shalom choir. Kuri ubu korali Shalom ni korali ikunzwe cyane i Nyarugenge nyuma ya korali Hoziana.

REBA HANO ANDI MAFOTO

N'ubwo yifitiye umusatsi n'amaherena bitemewe muri ADEPR, yasazwe n'ibyishimo asuka amarira,...hari ababyita 'kujya mu Mwuka'

Burya umugabo namwenyura ujye umenya ko nawe yishimye

Ni igitaramo bise 'Imbere ni heza'

Byari ibyishimo bikomeye mu gitaramo cya mbere bakoreye muri Hoteli ihenze cyane mu Rwanda

Wabwira iki abo wasize mu rugo uramutse witabiriye igitaramo muri Hoteli ihenze mu Rwanda ugataha nta rwibutso utwaye?

Serge Iyamuremye wahoze muri ADEPR yitabiriye iki gitaramo,..yanabatumiye mu gitaramo cye gikomeye kizaba tariki 26/08/2018

Ntiyakwibagirwa ibihe bidasanzwe yagiriye mu gitaramo cya korali Shalom

KANDA HANO UREBE ANDI MAFOTO MENSHI

AMAFOTO:Cyiza Emmanuel-Inyarwanda.com

Umwanditsi

Sura Umwanditsi Nyandikira

TANGA IGITECYEREZO

IBITECYEREZO

Mfashingabo Desire ● 5 years ago
Iyi choir ibi si ivugabutumwa ahubwo nugushaka kumenyekana kuko gufata millions zingahe ngo urajya convention bakayaguriyemo abatura Rwanda mituel kuko Imana ntizabibukira ko bakorey concert kuri convention bari na kugikore aho basengera ubundu bagakoramo ibikorwa byburukundo sindi umu ADPR ark iyi choir ngo igura n abaririmbyi kuko ngo baranabahemba ibiba muri ADEPR n agahuma munwa ngo ubu harimo.abashingiw ama boutique ,abishyurirwa amashuri abakodesherezwa amazu nibindi ngo n umurimo w Imana barimo peee narumiwe bumuntu yajya hariy yaririmba umuhogo ukenda guturika kd ari cash ari gukorera hhhhhh
Mumu ● 5 years ago
@mfashingabo Desire,ibyo bikorwa byurukundo c bajye bajya kubikora bakubwire,bajya gusura Abarwayi mu bitaro I masaka waruharii,ejo bundi bajya i gisenyi mu gisa ntabwo basize baguriye abaturage batishoboye ubwisungane mu kwivuza.ibyo c sibikorwa byurukundo??ibyo byo guhemba abaririmbyi no kubishyurira amazu ahubwo nabandi babigireho,uba ushaka ko abo baririmbyi basabiriza ku muhanda??@shalom choir komeza utere imbere maze wigwizeho abanzi bumurimo w'Imana#imbere ni heza.
Alphonse ● 5 years ago
Ibi byose uvuze se hari inkunga yabyo bagusaba ? Ikimenyesha injiji yibwirako ibyo itazi bitabaho ! Ubu nubundi buryo bwo kuvuga ubutumwa mubakomeye Ikindi nubwo uvuga ngo ntuba muri ADEPR Ibyo byose wabibwiwe niki ? Urimo urabeshya ariko wihane ishyali Niba bishyuriye umwana ishuli ubabara he ? Ahubwo uzazane nabawe babishurire !
Elie ● 5 years ago
uri inyanga birama wangu, frw ni ayabo si numva icyo upfa na cash zabo kd umuntu ni we ugenga uko akoresha ssente ze, so i advise to go and spend your time minding your own business, Bahembye abaririmbyi bigutwaye iki kd se ko Imana ariyo izahemba wowe upfa iki!!!!!! Uretse ko utanazi icyo bible ivuga: none ufite kibazo ki Bishyurishye amashuri n'inzu bagenzi babo, ubwo se bashingiye Boutiques abaririmbyi babo koko ikibazo kiba ikihe ahubwo na we Uzabegere bagufashe
Sibusiso ● 5 years ago
Imana ishimwe yo yabashoboje gukorera igitaramo muri Convention Center, Mwamamaje YESU ntimuzamuveho nawe ntazabareka. Kandi ndabifuriza kwaguka hanyuma mukazanabwiriza no mu mahanga, aya hafi n'aya kure.
mukamana Dativa ● 5 years ago
sigaye nkunda abaririmbyi bomuri Adeper cyane cyane abikigali kuko hari code nyishi zigenda zibavamo rwose nibatere imbere tubarinyuma kuko mbere wasangaga nkumuhanzi wa Adeper atakorana nabandi mbese code zarababoshye kdi nyamara lmana dukorera ireba imbuto ntireba bamihango yidini , nabandi mugipfukiranwa mukwiye kuvamubujiji kuko ijuru sirya Adeper kdi nabakizwa sabasengera muri Adeper gusa lmana ibaganze murakoze
Elie ● 5 years ago
Nibazaga ko wowe wababajwe na cash za bo ufite ikibazo kuko umuntu niwe ugena uko akoresha ibyo yavunikiye, ikindi bamenyekanye se wowe upfa iki!!?? Bishyuriye se inzu Amashuri etc bagenzi nabo Amategeko ahana ibyo ari he!! Inama nakugira Ahubwo you better approach them kuko menya ubabazwa ni Uko utari mu bo bafasha kd na we ukeneye Inkunga. Shalom choir keep it up only God is a rewarder people just talk even when they have nothing to say