Mico The Best ni umwe mu bahanzi bakomeye hano mu Rwanda ukora injyana ya Afrobeat, uyu yamamaye bikomeye mu ndirimbo nka Umugati,Sinakwibagiwe yakoranye na Diamond,Kure,Arabyemeye n’izindi nyinshi. Kuri ubu uyu musore wari ukiri ingaragu ngo arifuza umukobwa barushingana.
Mu kiganiro kihariye yahaye Inyarwanda.com Mico The Best yabwiye umunyamakuru ko mu by’ukuri yifuza umukunzi. Aha umunyamakuru yatangiye abaza Mico The Best niba afite umukunzi maze uyu muhanzi atangaza ko nta mukunzi afite ndetse ko aramutse amufite akamutangaza mu itangazamakuru ubwo yaba afite na gahunda y’uko bakora ubukwe.
Mico The Best yahamirije umunyamakuru ko akeneye umukunzi wo kubaka, aha akaba yagize ati”Ndagira ngo ntangarize abantu ko mukeneye ndamushaka.” Aha umunyamakuru yabajije Mico The Best ibyo umukobwa ashaka yaba yujuje maze abanza kugaragaza impamvu asanga ari ngombwa ko agira umukunzi uhamye agira ati” Bino ngiye kuvuga si imikino si nuko hari ikindi kibazo mfite, mubyukuri mpura nabakobwa benshi ariko dukwiye gufata umwanya tukavuga tuti dukwiye gupanga ibintu bizima n’umuntu.”
Mico The Best
Kukijyanye n’umukobwa Mico The Best yifuza yatangaje ko mu by’ukuri icya mbere ari uko yakabaye ari umunyarwandakazi gusa anongeraho ko niyo yaba atari umunyarwandakazi ntacyo byaba bimutwaye mu gihe yaba yujuje ibisabwa, umukobwa ufite ubumuntu, umukobwa ushyira mu gaciro, umukobwa ufiteho ubumenyi cyangwa amashuri, umukobwa ufite igihagararo,umukobwa wize byibura amashuri yisumbuye, umukobwa w’imibiri yombi cyane ko inzobe ngo azishisha kubera ibijyanye no kwisiga mukorogo byateye mubakobwa, bityo ku bwe ngo umukobwa w’inzobe byaba bimeze neza ariko ari iy’umwimerere.
Mico The Best ni umwe mu bahanzi icumi kuri ubu bakomeye mu Rwanda bahatanira igikombe cya Primus Guma Guma Super Star iri kuba ku nshuro ya munani, iyi ikaba izarangira ku wa Gatandatu tariki 14 Nyakanga 2018 mu gitaramo byitezwe ko kizabera i Gikondo ahasanzwe habera imurikagurisha.
Eng
RSS 
TANGA IGITECYEREZO