Marina yashyize hanze indirimbo ‘Decision’ yakoranye na Papito umuraperi w’umunyabigwi muri Tanzania–YUMVE

Uvuze Papito abakiri bato byabagora kumwumva ariko abari bazi muzika muri 2001 kuzamura ni bo baba abagabo bo guhamya ubwamamare n’ubuhanga bw’uyu muraperi na bagenzi be babanaga mu itsinda rya Klear Kut harimo na Navio umuraperi ukomeye w’i Bugande.  Benshi mu batari basanzwe bamuzi n'ubundi basobanukiwe uyu muraperi ariko n'ushaka kumenya ko akomeye yakumva indirimbo ya Riderman yitwa ‘AMATOPITO’, Papito aba avugamo ni uyu wo muri Tanzania wari warafashe Hip Hop yo mu karere.

Papito na Marina bafashe amashusho y'iyi ndirimbo

Papito mu minsi ishize nibwo yari mu Rwanda aho yari yaje gusura inshuti ye ya cyera Pastor P, ubwo yageraga iwe yasanze uyu mu producer ari gutunganya indirimbo nshya ya Marina yise ‘Decision’ maze uyu muraperi wo muri Tanzania wari umaze kuryoherwa n’iyi ndirimbo asaba Pastor P ko yashyiramo igitero cye maze aririmbyemo yumva biraryoshye bituma bamenyesha nyiri indirimbo baba bakoranye indirimbo gutyo.

Kuri ubu iyi ndirimbo bise Decision yamaze kugera hanze aho igikurikiyeho ari uguha abafana b’umuziki amashusho yayo cyane ko nayo ahari yanarangiye nkuko Bad Rama umujyanama wa Marina yabitangarije Inyarwanda.com ubwo yari azanye iyi ndirimbo ngo aya mashusho ntabwo azatinda kujya hanze.

UMVA HANO IYI NDIRIMBO NSHYA YA MARINA NA PAPITO 'DECISION'