APR FC yaguye miswi na KCCA FC-AMAFOTO

Twizerimana Martin Fabrice APR FC yakuye muri Kiyovu Sport ni we watsindiye iyi kipe igitego ku munota wa 22’ w’umukino mu gihe igitego cya KCCA FC cyatsinzwe na Allan Oryek mu munota wa 58’.

Ni umukino Jimmy Mulisa yakinaga agamije kureba uko abakinnyi bahagaze yaba abashya muri iyi kipe ndetse n’abasanzwemo nyuma yo kuva mu biruhuko by’umwaka w’imikino 2016-2017.

APR FC yakinaga idafite Bizimana Djihad uri mu igeragezwa mu Budage, Nshuti Innocent na Imanishimwe Emmanuel bari mu biruhuko by’ikipe y’igihugu mu gihe Tuyishime Eric na Nkizingabo Fiston bafite ibibazo by’imvune. Amakipe yombi yakinnye umukino ufungiye hagati kuko yaba APR FC na KCCA FC nta kipe yari ifite ubusatirizi butyaye cyane.

Twizerimana Onesme wagiye ahusha ibitego akanatakaza imipira ari imbere y’izamu yaje kuva mu kibuga ndetse n’abakinnyi biganjemo abamenyerewe mu ikipe bavamo hasigaramo abana bo muri Academy ari naho KCCA FC yaboneye igitego cyo kwishyura.

Dore abakinnyi babanje mu kibuga:

APR FC: Ntarivi Steven (GK 30), Ngabozniza Albert 3 (C-), Ishimwe Christian 25, Songayingabo Shaffy 23, Rugwiro Herve 4, Innocent Hakundukize 2, Issa Bigirimana 26, Twizerimana Martin Fabrice 29, Twizerimana Onesme 9, Ishimwe Fiston 8 na Sekamana Maxime 17.

KCCA FC XI: Lukwango Charles (GK), Dennis Okot (C), Kavuma Habib, Obenchan Filbert, Denis Rukundo, Kirabira Isaac, Wamani Ibrahim, Kizza Mustafa, Serunjogi Patrick, Oryek Allan na Aboubakar Saddiq Tijari. 

Abatoza ba APR FC basuhuzanya n'aba KCCA FC

Abakinnyi basuhuzanya

11 ba KCCA FC

11 ba APR FC babanje mu kibuga

Abasimbura ba APR FC

Abasifuzi n'abakapiteni 

 Abasimbura ba KCCA FC

Wari umukino APR FC yakoreshaga abakinnyi bashya mu kugerageza

Rukundo Denis bivugwa ko yifuzwa na APR FC

Rugwiro Herve yirwanaho

Mike Hilary Mutebi Umutoza wa KCCA FC 

Sekamana Maxime arwanira ishyaka rya APR FC

Ntaribi Steven ni we wabanje mu izamu aza gusimburwa na Kimenyi Yves

Abafana ba APR FC bari bitabiriye 

Mu gice cya kabiri ikipe ya APR FC yaje gusanga iri gukoresha abakinnyi bazamutse muri Academy havuyemo Kimenyi Yves wari mu izamu...Ishimwe Christian ku mupira

Ishimwe Christian yakinaga ku ruhande rw'ibumoso rusanzweho Imanishimwe Emmanuel uri mu biruhuko

Ngabonziza Albert aganira na Ntaribi Steven 

Abafana 

KCCA FC bashaka igitego

Hakundukize Innocent akiza urubuga rw'amahina

AMAFOTO: Saddam MIHIGO/INYARWANDA.COM