Gukirana, kunyabanywa no guca imigani ni bimwe mu byaranze igitaramo ‘I Nyanza Twataramye’ -Amafoto

Iki gitaramo ndangamuco nyarwanda cyateguwe n’Akarere ka Nyanza ku bufatanye na Minisiteri ya Siporo n’Umuco (MINISPOC) hakaba hagaragayemo abahanzi banyuranye b’ingeri zose. Uko aba bahanzi bataramye byakumbuje benshi igitaramo cya Kinyarwanda, binyura amaso y’abakuze babizi bibera isomo abakiri bato babyumvaga mu mateka.

Iki gitaramo cyagaragayemo imbyino za Kinyarwanda z’amatorero anyuranye, haberamo umukino bita kunyabanywa,bavuga amahigi, bavuga imivugo, barasakuza, baca imigani, bacurangirwa iningiri, barakirana, abatahira bazivuga amazina biratinda ari nako abahanzi banyuranye bazwi  mu njyana y’umuco bakanyurizaho abari aho.

Iki gitaramo ndangamuco nyarwanda cyateguwe n’Akarere ka Nyanza ku bufatanye na Minisiteri ya Siporo n’Umuco (MINISPOC), n’Ikigo cy’Igihugu cy’Ingoro z’Umurage w’u Rwanda(NIMR) kitabiriwe n’abantu benshi cyane b'ingeri zitandukanye barimo; abatuye i Nyanza, abaturutse hirya no hino mu gihugu n’abaturutse mu bihugu binyuranye bari baje gusoreza Fespad muri aka karere.

Reba amafoto:

Igitaramo cyagaragayemo imyino zinyuranye za Kinyarwanda

Ba Minisitiri Uwacu Julienne na Musoni James bari bitabiriye iki gitaramo

Abaturage bari bitabiriye iki gitaramo ari benshi

Ibyo kurya byari bihari

Ibyo kunywa amoko yose nabyo byari bihari

Itorero 'Urugangazi' ryakumbuje benshi gusangirira ku ntango

Abasaza b'i Nyanza bakina umukino wo gukirana

Iyo bakirana batsindaga ari uko bananiwe

Kunyabanywa (kurwana hakoreshejwe inkoni) ni umuco wahoze mu Rwanda abari aho bashimishijwe n'uyu mukino

Abasaza b'i Nyanza bavuga amahigi

Umusaza Kamanzi acira abari aho umugani

Umusaza Mushabizi akirigita umurya w'inanga mu gitaramo 'inyanza twataramye'

Umusaza Muyango ku rubyiniro

Nyirabahire umubyeyi ukiri muto uririmba indirimbo gakondo

Sofia akirigita umurya w'inanga

Umuhanzikazi Suzana yataramiye abari aho

Ben Ngabo Kipeti yashimishije benshi mu bitabiriye iki gitaramo

Abayobozi banyuranye nabo bacetse k'umuziki wari aho unyuze amatwi